Քարահունջ

[Ասատուր]

Ֆորումի հարգելի մասնակիցներ, ուրախությամբ ուզում եմ հայտնել, որ Հայաստանի ամենաառեղծվածային կառույցի` Քարահունջի, գաղտնիքը վերջապես բացահայտված է: Մեր տաղանդաշատ գիտնականներից Վաչագան Վահրադյանի ուսումնասիրությունները թույլ տվեցին ավելի ընդհանուր պատկերացում կազմել Քարահունջի (և ամբողջ աշխարհում ավելի քան յոթ հարյուր նմանատիպ այլ կառույցների) նշանակության, կառուցման ժամանակի և նախատիպը լինելու մասին: Հետազոտությունների արդյունքները հասու են www.qarahunge.isgreat.org կայքում: Սիրով սպասում ենք ձեզ:

[Սահակյան Սահականուշ]

Սրտանց շնորհավորում եմ Վաչագան Վահրադյանին Քարահունջի գաղտնիքը բացահայտելու կապակցությամբ: Շնորհակալություն հ.գ. Ասատուր նյութը տեղադրելու համար:

[manush]

02.11.2010 նիստում ՀՀ Կառավարությունը

«Զորաց քարեր» բնակատեղի» պատմամշակութային արգելոցի տարածքը սահմանել է 50 հեկտար, այն փոխադրել հատուկ պահպանվող հողերի կատեգորիա և անհատույց, անժամկետ օգտագործման իրավունքով հանձնել «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ին` «Զորաց քարեր» բնակատեղի» պատմամշակութային արգելոցի տարածքում ընդգրկելու նպատակով։

[manush]

Երկու օր առաջ «Զորաց քարերում» էինք։ Տեղադրում եմ երկու նոր լուսանկարներ։

qar1.jpg qar2.jpg

[arm.150yan]

Հարգելի Ասատուր, չնայած նոր եմ միանում ձեր գրառմանը, բայց երբ էլ խոսենք մեր ազգի ձեռքբերումների, ունեցած գիտական հարստության և վեհ գաղափարների մասին, միևնույն է այն միշտ նոր է և անգնահատելի` թերևս ինձ համար: Շնորհակալություն Վաչագան Վահրադյանին, Ձեզ, որ բոլորիս հասու դարձրեցիք այս գանձը: Նշեմ, որ այդ ժամանակ մեր դպրոցի ֆիզիկա առարկայի ուսուցչուհու հետ միասին օգտվել ենք ձեր նշած կայքում տեղադրած նյութերից (չիմանալով, որ այստեղ դուք գրառում ունեք), և պատրաստել ենք զեկուցում դպրոցի ֆիզմաթ մասնախմբի համար: Տեղեկույթը բոլորին հպարտություն ներշնչեց և երկար ժամնակ խոսվում էր այդ մասին...

Հարգանքով` Արմենուհի Հարությունյան
Գյումրու թիվ 15 դպրոց:

[Գագիկ]

Լավ կլիներ ծանոթանայիք նաև “Քարահունջ – Stonehenge. առասպելի վերջը” հոդվածին ու հատկապես մեկնաբանությունների ձևին ու որակին:

[arm.150yan]

Հարգելի Գագիկ, ծանոթացա “Քարահունջ – Stonehenge. առասպելի վերջը” հոդվածին: Նշեմ, որ հմամիտ չեմ հետևյալ մեջբերման հետ--- "Ամեն անգամ, երբ նման թեմաներով խոսակցություններ են սկսվում, լուրջ գիտնականները ժպտալով խորհուրդ են տալիս “բանի տեղ չդնել” նման գաղափարները, քանի որ դրանք ոչ մասնագետ մարդկանց կողմից են առաջադրված...",--- բանի տեղ չդնելով չեն վերծանվում նմանատիպ լուրջ հարցերը և զարմանալի է, որ թույլ են տրվում մեծ թվով կեղծիքի հեղեղումը ամենուր: Միթե գիտնականների կողմից նման հանդուրժողական դիրքորոշումը միանգամայն աններելի ու վտանգավոր չէ: Ինչպես երևում է զարմանալի է, բայց փաստ...

Հարգանքով` Արմենուհի Հարությունյան, Գյումրու թիվ 15 դպրոց:

[Գագիկ]

Դուք Comment-ները, Comment-ները կարդացեք:

[arm.150yan]

Շատ լավ, շնորհակալություն:

Հարգանքով` Արմենուհի Հարությունյան, Գյումրու թիվ 15 դպրոց: