Աշխատանքի առաջարկ

[manush]

Հարգելի բարեկամներ, այս թեմայում կտեղադրվեն աշխատանքի առաջարկներ, թափուր աշխատատեղերի մասին հայտարարություններ։

[manush]

Ստորև կարող եք ծանոթանալ «Այբ» կրթական հիմնադրամի հայտարարությանը.

Հարգելի «Այբ» բարեկամներ,


«Այբ» կրթական հիմնադրամը փնտրում է հմուտ և փորձառու թեկնածուի` հասարակայնության հետ կապերի և ֆոնդահայթայթման համակարգողի պաշտոնում աշխատելու համար:

Սա «Այբ»-ի թիմին միանալու հրաշալի հնարավորություն է փորձառու մասնագետի համար` ֆոնդահայթայթման ռազմավարության և ինֆորմացիոն արշավի մշակման այս նոր փուլում: Միանալով մեզ այս վճռական պահին` Դուք առաջնային դերակատարում կունենաք «Այբ ավագ դպրոցի» ֆոնդահայթայթման ու խթանման ծրագրերի զարգացման և ընդալայնման գործում:


Վերջին նորություններին ծանոթացեք «Այբ»-ի www.ayb.am կայքում:

[Մարիետա]

Աշխատանքի տոնավաճառ Կոտայքում

Հոկտեմբերի 29-ին Կոտայքի մարզի Աբովյան քաղաքի Շախմատի տանը կանցկացվի աշխատանքի տոնավաճառ: Այն կազմակերպում է Հայաստանի աշխատանքի եւ սոցիալական հարցերի նախարարության «Զբաղվածության պետական ծառայություն» գործակալությունը:

Ինչպես տեղեկացրեց գործակալության պետի տեղակալ Արտակ Սիմոնյանը, տոնավաճառին կմասնակցի շուրջ 40 գործատու։ Տոնավաճառի նպատակն է կազմակերպել աշխատանք փնտրողների հանդիպում գործատուների հետ, ծանոթացնել գործազուրկների համար իրականացվող զբաղվածության ծրագրերին, իսկ գործատուներին հնարավորություն տալ գտնել համապատասխան հմտություններով մասնագետներ:Տոնավաճառում կներկայացվեն արտադրության, առեւտրի, սպասարկման, շինարարության, բանկային և կրթության ոլորտների թափուր աշխատատեղեր:

Ա. Սիմոնյանի խոսքով, նման միջոցառումները լավ հնարավորություն են ե’ւ գործատուի, ե’ւ աշխատանք փնտրողի համար: «Փորձը ցույց է տալիս, որ աշխատանքի տոնավաճառների կազմակերպումը բավական արդյունավետ է»,-ասաց նա: Այս տարվա ընթացքում Գավառում կազմակերպված աշխատանքի տոնավաճառի արդյունքում աշխատանքի է տեղավորվել շուրջ 100, Վանաձորում` 40, Իջեւանում մոտ 20, Գյումրիում` 40 մարդ: Նշենք, որ նախնական տվյալներով, նոյեմբերի 6-ին աշխատանքի տոնավաճառ կանցկացվի նաեւ Երեւանում:

Աղբյուր՝ «Արմենպրես» լրատվական գործակալություն

[manush]

«Այբ» կրթական հիմնադրամի նոր հայտարարությունը.

Հարգելի «Այբ» բարեկամներ,

«Այբ» կրթական հիմնադրամը փնտրում է ուսուցիչների, երիտասարդ գիտնականների և իրենց մասնագիտության նվիրյալների, ովքեր երեխաների հետ աշխատանքը համարում են իրենց կոչումը, «Այբ ավագ դպրոցի» (www.armenianschool.am) հոսքային դասարաններում 2011 թ. սեպտեմբերից դասավանդելու համար:

Մեզ միանալով այս պահից սկսած` Դուք հնարավորություն կունենաք դառնալու «Այբ ավագ դպրոցի» թիմի անդամ` Ձեր ներդրումն ունենալով դպրոցի բովանդակության ձևավորման գործում:

[Vanadzor10***Ani]

ՀՀ ԿԳ նախարարության Լոռու մարզի Վանաձորի Սայաթ-Նովայի անվան թիվ 10 ավագ դպրոցը հայտարարում է <<Ռուսաց լեզու և գրականություն>> առարկայի ուսուցչի թափուր տեղի համար մրցույթ

Մրցույթի մասնակիցների գիտելիքների և մասնագիտական կարողությունների ստուգումն անց է կացվում 2 փուլով` գրավոր և հարցազրույցով.
ա) Գրավոր ստուգման դեպքում` ուսումնական ծրագրերին համապատասխան առաջադրանք (թեստ):
բ) Հարցազրույցի դեպքում` մանկավարժական, մասնագիտական գործնական հմտություններն ստուգող առաջադրանքներ:

Մրցույթին մասնակցելու համար պահանջվում են հետևյալ փաստաթղթերը.
1.Դիմում (լրացվում է տեղում)
2. Կրթության մասին համապատասխան դիպլոմ
3. Աշխատանքային գրքույկ
4. Անձնագիր
5. Ինքնակենսագրական
6. Մասնագիտական գիտելիքներին և աշխատանքային ունակություններին ներկայացվող պահանջների բավարարումը հավաստող փաստաթղթեր, հավաստագրեր (առկայության դեպքում)
7. Մեկ լուսանկար` 3 X 4 չափի:

Մրցույթին մասնակցելու մասին հայտերն ընդունվում են մինչև 2011թ. հունվարի 15-ը ներառյալ Վանաձորի թիվ 10 ավագ դպրոցում: Մրցույթը տեղի կունենա 2011թ. հունվարի 20-ին` ժամը 12-ին` նույն դպրոցում:

Մանրամասն տեղեկությունների համար զանգահարել (0322) 4-93-31

Մրցութային հանձնաժողով

[manush]

«Այբ» կրթական հիմնադրամը փնտրում է փորձառու մասնագետների՝ Գնումների համակարգողի և տեղեկատվական համակարգերի ու Տեխնոլոգիաների համակարգողի երկու նոր թափուր պաշտոնները զբաղեցնելու համար:

Հրաշալի հնարավորություն` միանալու «Այբ» թիմին և ներգրավված լինելու 21-րդ դարի հայկական դպրոցի ստեղծման աշխատանքներում:

Դիմելու և ավելի մանրամասն տեղեկություններ ստանալու համար խնդրում ենք սեղմել այստեղ:

[manush]

«Մխիթար Սեբաստացի» կրթահամալիրը հրավիրում է աշխատանքի


Երևանի «Մխիթար Սեբաստացի» կրթահամալիրը մրցութային կարգով աշխատանքի է հրավիրում գեղարվեստի ավագ դպրոցում «Քանդակ» դասավանդողի, «Հեռուստառեժիսուրա» դասավանդողի:


Ներկայացվող պահանջներն են.

* բարձրագույն կրթություն
* հետազոտական աշխատանքի հմտություններ
* ինտերնետի և էլեկտրոնային փոստի, օտար լեզվի գործածում
* մասնագիտական աշխատանքով զբաղվելու սովորություն:

Մրցույթին մասնակցելու հայտերն ընդունվում են մինչև 2011թ. հունվարի 24-ը, ժամը 16.00:

Մրցույթի պայմաններին և այլ մանրամասների ծանոթանալու համար այցելեք http://www.mskh.am/1164 , Ա. Բաբաջանյան 25, «Մխիթար Սեբաստացի» կրթահամալիրի Գեղարվեստի ավագ դպրոց, զանգեք 73-52-10:

[manush]

Մայր Աթոռ Սուրբ Էջմիածնի «Էօրնեկեան հանրակրթական դպրոցը» հայտարարում է ուսուցիչների թափուր տեղերի մրցույթ

Մայր Աթոռ Սուրբ Էջմիածնի «Էօրնեկեան հանրակրթական դպրոց» հանրակրթական ուսումնական հաստատությունը հայտարարում է անգլերեն, քիմիա, տեխնոլոգիա և հայոց լեզու առարկաների ուսուցիչների թափուր տեղերի մրցույթ:

Մրցույթին մասնակցելու համար ներկայացնել.

• ինքնակենսագրություն
• դիմում
• դիպլոմ /այլ վկայականների առկայության դեպքում կցել դրանց պատճենները/

Դիմող թեկնածուն պետք է.

• ունենա բարձրագույն մասնագիտական կրթություն,
• տիրապետի մանկավարժական նորարարական մեթոդներին,
• իմանա, թե ինչ կրթական բարեփոխումներ են ընթանում ՀՀ-ում,
• ունենա համակարգչային գիտելիքներ (ցանկալի է):

Գործերը ներկայացնել մինչև 2011թ. փետրվարի 18-ը Մայր Աթոռ Սուրբ Էջմիածնի «Էօրնեկեան հանրակրթական դպրոց» ամեն օր` ժամը 10:00-ից մինչև 16:00-ը:
Մրցույթը տեղի կունենա Մայր Աթոռ Սուրբ Էջմիածնի «Էօրնեկեան հանրակրթական դպրոց»-ում ս/թ փետրվարի 19-ին.
Անգլերեն - ժամը 10:00-ից
Քիմիա - ժամը 11:00-ից
Տեխնոլոգիա - ժամը 11:30-ից
Հայոց լեզու - ժամը 12:00-ից:

Մանրամասն տեղեկությունների համար զանգահարել (0231) 5 24 28, (010) 517 199 հեռախոսահամարներով:

Դպրոցի տնօրինություն

Աղբյուր՝ «Հայկական կրթական միջավայր» պորտալ

[manush]

Հարգելի գործընկերներ,

«Կրթություն» շաբաթաթերթի էլեկտրոնային տարբերակն 2011թ. առաջին համարից սկսած տեղադրվում է «Հայկական կրթական միջավայր» պորտալում՝

«Կրթություն-2011»

Պարբերականի 5–րդ համարում տպագրված է Երևանի հ.62 ավագ դպրոցի հայտարարությունը՝ ֆիզիկայի և ֆրանսերենի ուսուցիչների թափուր տեղերի համար («Կրթություն», 2011թ, հ. 5, էջ՝ 15)։

[Chuk]

Աշխատանքի երկու առաջարկ «Մխիթար Սեբաստացի» կրթահամալիրից.


Հրավիրում ենք աշխատանքի մարմնամարզիկ-կազմակերպչի

Կրթահամալիրում ստեղծվում է 12մx30մx5մ չափսերի մարմնամարզական դահլիճ` կահավորված և բոլոր հարմարություններով:
Աշխատանքի ենք հրավիրում մարմնամարզիկ-կազմակերպչի: Ներկայացվող պահանջներն են.

• բարձրագույն կամ միջին մասնագիտական կրթություն
• մարմնամարզական գործունեության փորձ։

Աշխատանքի պայմաններին և այլ մանրամասների ծանոթանալու համար այցելե՛ք Ա. Բաբաջանյան 25, «Մխիթար Սեբաստացի» կրթահամալիրի մայր դպրոց, զանգե՛ք 73-54-40:

Դասավանդողի մրցույթ

Երևանի «Մխիթար Սեբաստացի» կրթահամալիրը աշխատանքի է հրավիրում ավագ դպրոցի օտար լեզուների-թարգմանության խորացված ուսուցման դասարաններում անգլերեն և իսպաներեն դասավանդողի լրիվ աշխատաժամանակով: Հիմնական աշխատավարձը՝ հարյուր հազար դրամ:
Ներկայացվող պահանջներն են.

• բարձրագույն կրթություն
• հետազոտական աշխատանքի հմտություններ
• ինտերնետի և էլեկտրոնային փոստի, օտար լեզուների գործածում:

Մրցույթն անցկացվում է գրավոր և բանավոր:
Մրցույթին մասնակցելու հայտերն ընդունվում են info@mskh.am հասցեով մինչև 2011թ. մարտի 15-ը, ժամը 16.00:
Մրցույթի, աշխատանքի պայմաններին և իրականացվող ծրագրերին ծանոթանալու համար այցելեք www.mskh.am, «Մխիթար Սեբաստացի» կրթահամալիր, զանգեք 73-54-40: