Հանրահաշվի և երկրաչափության 10-րդ դասարանի դասագրքերը

[Սահակյան Սահականուշ]

Հարգելիներս ես չեմ ցանկանում վիրավորել երկրաչափության Շարիգինի գիրքը թարգմանողներին, սակայն ես կարծում եմ, որ հայ մաթեմատիկոսները ավելի լավ և դյուրըմբռնելի գրքեր կստեղծեին, քան Շարիգինի գրքի թարգմանությունն է: Ես բերեմ մեկ օրենքի ձևակերպման օրինակ. գոյություն ունի միակ հարթություն, որը պարունակում է տարածության երկու տրված հատվող ուղիղները:
Խնդևրում եմ ասացե'ք արդյո?ք այս ձևակերպումը կարելի է միանգամից ըմբռնել, և արդյո?ք հայերեն շարադրանքը ճիշտ է: Կարծում եմ այս խառնաշփոթը առաջացել է նրանից, որ ուղղակի թարգմանել են և չեն խմբագրել, որից էլ առաջացել է այս բառախաղը:
Եթե որևէ մեկը համաձայն չէ իմ կարծիքի հետ խնդրում եմ արձագանքեք:

[Tatev*]

Իհարկե սխալ է, պետք էր պարզապես ասել, որ ցանկացած երկու հատվող ուղղով անցնում է միայն մի հարթություն:

Շագրինը այստեղ կապ չունի, Սահականուշ ջան, ուղղակի գիրքը թարգմանողը թարգմանել չգիտի, կամ էլ ոչինչ չի հասկանում երկրաչափությունից, որ կարողանար բացի բառերից իմաստն էլ հայերեն ներկայացնել: Այսպիսի թարգմանություն ցանկացած նյութի մասին յուրաքնչյուրս էլ կարող ենք անել:

Բայց մի կարծիր, թե հայ մաթեմատիկոսները ավելի լավ կգրեին հայերեն: Ես բախտ եմ ունեցել համեմատելու հայ հեղինկաների նույն գիրքը հայերեն և ռուսերեն երկուսն էլ իրենց գրածն էր, բայց ռուսերենն ավելի հեշտ էր հասկացվում, քան հայերենը: Պատճառն էլ այն է, որ հաճախ մեր հայ բնագետները մատների արանքով են նայում իրենց մայրենիին, շատ ավելի վատ գիտեն, քան ռուսերենը: Դա զարմանալի չէ, գալիս է խորհրդային տարիներից, զարմանալին այն է, որ նրանց երեխաներն էլ, որ հաճախ շատ տաղանդավոր են, խելացի, նույն կերպ են վերաբերվում հայոց լեզվին` ինչ պոչեր ասես չկպցնելով բանասերներին:Ովքեր բնագիտական ֆակուլտետում են սովորել կամ սովորում են ինձ կհասկանան: Նրանց ծնողները, ասենք, սովորել են ռուսական դպրոցներում կամ էլ ռուսական համալսարաններն են ավարտել, իսկ իրե?նք, ոչ հայերենը նորմալ գիտեն, ոչ էլ ռուսերենը:

[Սահակյան Սահականուշ]

Տաթև ջան ես նկատի չունեմ այն, որ Շարիգինն է մեղավոր, ես նշել եմ նրա անունը, քանի որ բնագիտական և հումանիտար հոսքերի գրքերը տարբեր են, որպեսզի խառնաշփոթ չստացվի:
Ես ինչպես իմ ստորագրությունում եմ նշել սովորում եմ բնագիտական հոսքում, սակայն դեմ եմ հայերենին ուշադրություն դարձնողներին, և այն աղավաղողներին:

[Գագիկ]

Սահականուշ, երևում է, որ դեռ առաջին դասերն ես կարդացել այդ գիքից: Հետո ավելի “հետաքրքիր” է լինելու:
Ես 100-ից ավելի մաթեմատիկական սխալեր, ոչ հայերեն ձևակերպումներ, վրիպակներ եմ դուրս գրել և համապատասխան ուղղումներով ներկայցրել “Անթարես” հրատարակչությանը: Խոստացել են հասցնել աշակերտներին ու ուսուցիչներին: Չգիտեմ դրանք առանձին գրքույկով լույս կտեսնեն, թե գրքին կից տարբերակով:
Այդ գրքի հետ կապված մի երկու բան էլ եմ ուզում նշել:
Գրքի առաջաբանում նշվում է, որ դա 7 անգամ վերահրատարակվել է Ռուսաստանում: Բայց ինչքան ինձ է հայտնի այդ գիրքը Ռուսաստանում շատ քիչ է օգտագործվում, չմոռանանք, որ Ռուսաստանում որևէ դասագրքի 10-ից ավելի տարբերակներ գոյություն ունեն:
Բացի այս, հասկանալի չէ, թե ինչու են հարթաչափության ու տարածաչափության համար ընտրվել տարբեր (երկուսն էլ ռուսական հեղինակների) գրքեր: Չէ որ դրանք նույն առարկայի երկու շաղկապված մասերն են, և ավելի բնական է, որ լինեին նույն հեղինակի կողմից գրված: Առավել ևս, որ ընտրված գրքերի մոտեցումները խիստ տարբեր են: