Հետաքրքիր է իմանալ

[Մարիետա]

Ըստ ճապոնացի նկարիչների` բուսական աշխարհի գծապատկերների անսահման գեղեցկությունն իր արտահայտությունն է գտնում իկեբանա արվեստում: Դա ծաղկահարդարման կամ ծաղկեփունջ կազմելու արվեստ է, բայց ոչ սովորական հասկացությամբ, այն իր մեջ ունի փիլիսոփայություն: Իկեբանան ունի 800 տարվա պատմություն: Այն ստեղծվել է Բուդդայի տաճարում, հոգևորականների կողմից: Ասում են, որ ճապոնուհիները ամուսնության դաշինք չեն կարող կնքել առանց կարուձևի, խոհարարության և իկեբանայի արվեստն իմանալու: Դեռևս 7 տարեկանից ճապոնացի աղջիկներին ուսուցանում են ծաղիկներից կոմպոզիցիաներ ստեղծելու արվեստը, միաժամանակ երեխաների մեջ դաստիարակում ներդաշնակության և կատարելության զգացում: Իկեբանան իգական դպրոցներում և քոլեջներում համարվում է հիմնական և պարտադիր առարկա: Մասնագետներ դառնալու համար ուսանում են 3 տարի և 10 ամիս, որի ընթացքում ծանոթանում են գեղանկարչության, ծաղիկների բուրմունքի, գույների, երանգների եւ բույսերի կազմաբանության հետ: Ամեն տարի Տոկիոյում հայտարարվում են իկեբանայի մրցույթներ:

Իկեբանայի ամենամեծ եւ ժամանակակից դպրոցներից է Սոգետցուն, որի ղեկավարներից է Սոֆու Տաշիգահարան:

Ճապոնական ծաղկեփնջի հիմքը կազմում են երեք հիմնական խորհրդանիշ-ցողուններ: Իկեբանայի սկզբունքների համաձայն՝ երեք ցողուններից ամենաերկարը` սինը, խորհրդանշում է երկինքը և կոմպոզիցիայում շատ կարևոր տարր է, քանի որ նրա դիրքից և դինամիկայից է կախված կոմպոզիցիայի տպավորությունը: Երկրորդը՝ ցողունը` լյուսին, խորհրդանշում է մարդուն և առաջին ցողունից կարճ է: Երրորդ ցողունը` խիկաեն, ամենակարճն է, որը խորհրդանշում է հողը:

Իկեբանա ստեղծելիս օգտագործվում են ոչ միայն թարմ ծաղիկներ, այլ տարբեր բույսերի ծռմռված և բազմաձև չոր ճյուղեր՝ իրենց վրա մնացած չոր պտուղներով, զանազան շիվեր, արմատներ և կեղևներ, մի խոսքով, բոլոր այն բնական միջոցները, որոնցից կստացվեն արհեստական բնապատկերներ:

Ստեղծված կոմպոզիցիան դրվում է հատուկ պատվանդանի վրա և բնակարանում ունի իր սուրբ անկյունը, որը կոչվում է տոկոնոմա: Ճապոնական ընտանիք մտնող հյուրն առաջին հերթին մոտենում է տոկոնոմային, ուշադիր զննում իկեբանան, ձգտելով հասկանալ տանտիրոջ կամ տանտիրուհու տրամադրությունը: Եթե հյուրը զգաց տանտիրոջ բարեհաճ տրամադրությունը, սկզբում խոնարհվում է իկեբանային, ապա՝ տանտիրոջը, և հետո անցնում առօրյա զրույցին, անպատճառ ընդգծելով կոմպոզիցիայից ստացած իր տպավորության մասին: Իսկ եթե կոմպոզիցիան հյուրին զգացնել տա, որ տանտերը անտրամադիր է, հյուրը պարտավոր է անմիջապես հեռանալ: Ճապոնացի նկարիչների կարծիքով, կոմպոզիցիաներում և ծաղկեփնջերում պետք է օգտագործել կենտ թվով ծաղիկներ և դրանք դասավորել ասիմետրիկ և այնպես, որ ծաղիկներն իրենց ծայրերով չշփվեն միմյանց հետ:

Ճապոնիայում ամենատարածված ծառը սոճին է: Նոր տարվա կոմպոզիցիաները կազմվում են սոճու ճյուղերից, որոնք մարմնավորում են երկարակեցություն, հնդեղեգի ճյուղերից, որոնք մարմնավորում են տոկունություն, և գունավոր մոմերից: Ճապոնիայում մարտի երեքին ծաղկում է դեղձենին: Այդ օրը նշվում է որպես աղջիկների տոն, ու նրանց զարդարում դեղձենու վարդագույն ծաղիկներով, որոնք մարմնավորում են նրբություն, անմեղություն ու գեղեցկություն: Պատանիների տոնը Ճապոնիայում նշվում է մայիսի 5-ին: Այդ օրը նրանք կրում են կաղնու ճյուղեր, որը մարմնավորում է ուժ, կամք ու քաջություն:

[Մարիետա]

Այստեղ կարելի է տեղադրել հետաքրքիր և ուսանելի նյութեր

[Մարիետա]

Գործնական վարվելաձև

Գործնական վարվելաձևը ենթադրում է փոխհարաբերություններ ղեկավարի ու ենթակաների, աշխատակիցների ու կոլեգաների միջև: Ղեկավարի ու ենթակաների հարաբերություններից է կախված կոլեկտիվում տիրող մթնոլորտը: Առաջին հերթին ղեկավարը պետք է վայելի իր աշխատակիցների հարգանքն ու հեղինակություն համարվի ենթակաների համար:

Ղեկավարը բոլոր աշխատակիցներին պետք է վերաբերվի միանման: Եթե աշխատակիցներից մեկին նկատողություն անելու անհրաժեշտություն կա, ապա դա պետք է անել առանձին և ոչ թե` մյուսների ներկայությամբ: Մտնելով սենյակ, որտեղ ենթականերն են, բարևում է բոլորին: Պետին կամ տնօրենին հանդիպելիս` ենթականերն առաջինը պետք է բարևեն, բայց եթե տնօրենը երիտասարդ տղամարդ է, ապա ինքը պետք է բարեւի իրենից մեծ տղամարդուն կամ կնոջը: Բացի այդ, ղեկավար տղամարդու տարիքը կապ չունի կնոջը զիջելու հարցում: Նա պետք է միշտ զիջի կնոջը` աստիճանների վրա կամ սենյակ մտնելիս: Եթե ստացվում է այնպես, որ աշխատակիցներից մեկը տնօրենի մոտ ընկերն է, աշխատանքի ժամերին պետք է դրսևորել չափավոր զսպվածություն: Գոյություն ունեն ղեկավարի ու ենթակայի ծառայողական զրույցի որոշակի կանոններ. նախօրոք պետք է կազմել զրույցի պլանը, մինչև զրույցը սկսելը պետք է ստեղծել փոխադարձ վստահության մթնոլորտ: Ղեկավարը միշտ պետք է իրադրության տերը լինի: Պլանավորված զրույցը ավարտին հասցնելուց հետո պետք է չերկարացնել ու դադարեցնել զրույցը: Նման զրույցը նպաստում է տնօրենի հեղինակության բարձրացմանը:

Աշխատակիցների հարաբերությունները միմյանց միջև նման են կենցաղային հարաբերությունների: Միմյանց հետ պետք է լինել հնարավորինս բարեկիրթ: Բարեկրթության մեջ մտնում է ընկերասիրությունը, ուշադրությունն ու զգուշությունը: Եթե կոլեկտիվում տիրում է համերաշխ մթնոլորտ, ապա այստեղ շահում է և՛ ղեկավարը, և՛ կոլեկտիվը, աշխատանքն էլ առաջ է գնում: Կոլեկտիվի բացթողումը պետք չէ ասեկոսեների նյութ դարձնել, այլ պետք է նուրբ ձևով, միասին շտկել նրա սխալը: Աշխատանքի վայրում պետք չէ կորցնել ինքնակառավարումն ու գոռգոռալով հարաբերություններ պարզել: Իսկ ինչ-որ մի միջադեպի կամ պատահարի դեպքում կարելի է շատ բարեկիրթ ձևով շտկել իրադրությունը: Եթե մի կոլեկտիվում աշխատում են հարազատներ կամ մտերիմ ընկերներ, նրանք չպետք է անբռնազբոս վերաբերմունք ցուցաբերեն միմյանց հանդեպ: Կին աշխատակիցների հետ գործում են գործնական վարվելաձեւի բոլոր կանոնները՝ գումարած կին-տղամարդ հարաբերությունները:

[Մարիետա]

Դեռեւս հին ժամանակներից ծաղիկները նույնացվել են ինչ-որ սիմվոլների հետ: Իսկ երբեմն էլ ծաղիկներն ավելին կարող էին ասել, քան շատ գեղեցիկ խոսքերով արտահայտված մտքերը:

Ծաղիկների լեզուն ծնունդ է առել Հին Արևելքում և ստացել սելամ անվանումը: Սելամի համաձայն՝ յուրաքանչյուր ծաղիկի բույր ունեցել է իր սիմվոլիկ նշանակությունը: Օրինակ` վարդը Արևելքում համարվում էր սիրո խորհրդանիշ, իսկ Հունաստանում` անմար կրքի խորհրդանիշ: Իսպանիայում կրքի խորհրդանիշ համարվում էր մեխակը:

Շատ հետաքրքիր է, բայց ծիրանի ծաղիկը վկայում է մարդու անկեղծ ընկերական հարաբերություններ հաստատելու ցանկության մասին, ադոնիսը` շողավարդը, սիրո խոստովանության խորհուրդ ունի: Սերկևիլի ծաղիկը անսահման հավատարմության խորհրդանիշն է, իսկ դեղին եւ ճերմակ ակացիան վկայում են պլատոնական սիրո մասին:

Անյուտայի աչիկներ ծաղիկը դեռևս միջնադարում համարվել է Սուրբ Երրորդության ծաղիկ: Բանն այն է, որ ծաղկի մեջ գտնվող մուգ բծի վրա քրիստոնյաները տեսնում էին եռանկյունի և համեմատում այն Սուրբ Երրորդության հետ: Իսկ ահա Ֆրանսիայում սպիտակ անյուտայի աչիկները խորհրդանշում էին մահ, այդ պատճառով էլ միմյանց չէին նվիրում: Իսկ այլ երկրներում դրանք համարվում էին հավատարմության ու սիրո խորհրդանիշ: Աստղածաղիկը գրեթե բոլորի մոտ տխրության խորհուրդ ունի:

Կարմիր գույնի մեխակը Ֆրանսիայում մեծ հեղափոխության ժամանակ թագավորի կողմնակիցների խորհրդանիշն էր: Կարմիր գույնը խոսում էր նրանց թափած արյան մասին: Երիտասարդ աղջիկները պատերազմ գնալուց առաջ իրենց սիրեցյալներին ճանապարհում էին կարմիր մեխակներով, քանի որ գտնում էին, որ այն կօգնի նրանց հաղթանակով վերադառնալուն: Սպիտակ մեխակը վկայում է տխրության մասին, դեղինը` ատելության: Ձնծաղիկը միշտ խորհրդանշում է մարդու՝ կյանքի հանդեպ ունեցած լավատեսությունը: Յասամանը խոսում է անմեղ ու քնքուշ սիրո մասին, իսկ մանուշակը անմեղություն խորհրդանշող ծաղիկ է:

[Մարիետա]

Վարվելաձև թատրոնում կամ կինոթատրոնում

Մեր ժամանակներում թատրոն կամ կինո գնալիս հագուստի ձևն այնքան էլ մեծ նշանակություն չունի: Տղամարդիկ հագնում են մուգ գույնի կոստյում, կանայք` տոնական զգեստ: Կանայք երկար երեկոյան զգեստ հագնում են այն դեպքում, եթե պետք է մասնակցեն հանրահայտ պրեմիերայի: Բնականաբար, մեզ ոչ ոք չի արգելի մտնել թատրոն ջինսե տաբատներով ու կաշվե բաճկոններով, պարզապես դա անհարգալից վերաբերմունքի ցուցաբերում է ոչ միայն դերասանների ու արտիստների, այլ` բոլոր ներկաների նկատմամբ: Նման վայր հաճախելիս ցանկալի չէ առատ օծանելիքի օգտագործումը, քանի որ օծանելիքի հոտը տարածվում է փակ տարածքում, որտեղ շատ մարդ կա, և կարող է տհաճ զգացողություններ առաջացնել մարդկանց մոտ` գլխացավ, սրտխառնոց: Թատրոն պետք է գալ ներկայացումը սկսելուց մի քիչ շուտ` արտաքին տեսքը կարգի բերելու համար: Երբեմն սխալմունք է տեղի ունենում, և հնարավոր է՝ 1 տեղի համար տոմս է վաճառվել 2 հոգու, պետք չէ աղմուկ-աղաղակ անել, այլ հանգիստ պետք է կարգավորել անհարթությունը:

Տղամարդը առաջինը պետք է մտնի կինոսրահ, այնուհետև նրան հետևի կինը: Պետք է շարքերի արանքով անցնել դեմքով դեպի նստածները: Իսկ եթե ձեր տեղերը սրահի կենտրոնական մասում են, պետք չէ սպասել վերջին զանգին, այնուհետև տեղավորվել, դա կարելի է մի քիչ շուտ անել, որպեսզի անհանգստություն չպատճառեք նստածներին: Հակառակ դեպքում` կարելի է ներողություն խնդրել: Ներկայացման ժամանակ սրահում նկատելով ազատ տեղ, որն ավելի հարմար է, քան ձերը, մի շտապեք զբաղեցնել այն, քանի որ հնարավոր է՝ այդտեղ նստողն ուշանում է: Ընդմիջման ժամանակ կարելի է մտնել ճաշարան, բայց հետո չի կարելի սննդամթերքով մտնել սրահ: Ներկայացման ավարտից հետո կարիք չկա, որ ծափահարությունները ուղեկցվեն ինչ-որ սուլոցներով ու ռեպլիկներով (սովորաբար այդպես արվում է ԱՄՆ-ում): Սրտանց ու ամենաբարձր ծափահարություններն իսկական շնորհակալություն հայտնելու նշան են: Մի քանի գործողությունից բաղկացած սիմֆոնիաները կարիք չկա ընդհատել ծափահարություններով:

[Vanadzor10***Ani]

• Մեր աչքերը երբեք չեն աճում, իսկ քիթն ու ականջները երբեք չեն դադարում աճել:
• Ճկույթի եղունգն ամենադանդաղն է աճում, իսկ միջնամատինը` ամենաարագը:
• Երեխաները գարնանն ավելի արագ են մեծանում:
• Կանայք աչքերը թարթում են տղամարդկանցից կրկնակի անգամ շատ:
• Ամեն ամիս մեր մաշկի արտաքին շերտը փոխվում է:
• Մենք կյանքի ընթացքում արտադրում ենք այնքան թուք, որ բավական կլիներ 2 ողավազան ջրով լցնելու համար:
• Ամեն րոպե դու շնչում ես օդի 55.664 լիտր:
• Եթե դու բղավես 8 տարի, 7ամիս և 6օր, ապա այդ էներգիան բավական կլինի մեկ բաժակ սուրճ տաքացնելու համար:
• Մեկ աչքդ թարթելու ժամանակ շարժվում է 200 մկան:
• Աջլիկները միջինը 9 տարի երկար են ապրում ձախլիկներից:
• Մեկ ժամում մարդիկ փոխում են մաշկի 600.000 մասնիկ, մեկ տարում`0,6804 կգ, իսկ 70 տարեկան հասակում մարդը կկորցնի մաշկի 47,628 կգ:
• Յուրաքանչյուր վայրկյան մեր մարմնում ստեղծվում է 25 մլն նոր բջիջ:
• Եթե կարողանայիք կուտակել աչքերի թարթելը մեկ կյանքի ընթացքում, ապա 1,2 տարի միայն մթություն տկեսնենիք:

[Մարիետա]

Հունիսի 15-ին Երկրագնդի բնակիչները կտեսնեն կանաչ երկնաքար


C/2009 R1 երկնաքարը, որը 2009թ. բացահայտել է ավստրալացի Ռոբերտ Մաք–Նոթը, մոտենում է Երկրին, և հունիսի կեսերին հյուսիսային կիսագնդի բնակիչները կարող են տեսնել այն անզեն աչքով։ Այս մասին, ըստ «Ռիա Նովոստիի», հայտնում է ՆԱՍԱ-ի կայքը։
Հունիսի 15-ին երկնաքարի հեռավորությունը Երկրից կհասնի նվազագույնի։

Ներկայում երկնաքարի գլուխը, որն իրենից ներկայացնում է երկնաքարի միջուկի շուրջ գտնվող գեղեցիկ կանաչ գույնի գազային ամպ, չափերով գերազանցում է Յուպիտերի տրամագիծը, իսկ պոչի երկարությունը հասնում է միլիոնավոր կիլոմետրերի։

Աղբյուր՝ Թերթ.ամ

[Ruzan_#105]

Ինտերնետը` 40 տարեկան

1969 թ. հոկտեմբերի 29-ին առաջին անգամ համակարգիչների միջև կապ է հաստատվել Arpanet ցանցով, որը ներկայիս ինտերնետի ռազմական նախատիպն էր: «Ինտերնետ» բառը նշանակում է՝ միջցանցային և սկսել է օգտագործվել 1977-ից: 40 տարի առաջ Arpanet-ով ուսանող Չառլի Քլայնն ուղարկել է առաջին հաղորդագրությունը՝ Լոս Անջելեսի Կալիֆոռնիայի համալսարանից Սթենֆորդի հետազոտական ինստիտուտ: Դա «login» բառն էր, որից տեղ հասան միայն l եւ o տառերը: Այսպիսով, առաջին բառ-հաղորդագրությունը եղել է lo-ն:

[Rita-Vanadzor28]

Ամերիկացի գիտնականները հաշվել են, որ 65 կգ քաշ ունեցող տղամարդու մարմինը բաղկացած է...
ՋՐԻՑ, որ կբավարարի երկու վերնաշապիկ լվանալու համար, ԵՐԿԱԹԻՑ, որից կարելի է մի մեխ պատրաստել, ՄԱԶԻՑ, որից կարելի է մի կեղծամ պատրաստել, ԹՈՒՆԱՎՈՐ ՆՅՈՒԹԵՐԻՑ, որոնք կարող են լու սպանել։
Հումքը, որից կազմված է մարդը, մեծածախ գներով մեկ դոլարից ավել չարժե։

[Rita-Vanadzor28]

Աշխարհի ամենահին ուսումնական հաստատությունը, որը գործում է մինչև օրս, մարոկկոյան Ֆես քաղաքի համալսարանն է։ Այն հիմնադրվել է 859թ., այսինքն նշանավոր Օքսֆորդի համալսարանի հիմնադրումից 328 տարի առաջ։