Մարզական նորություններ

[Սրբազան]

Շախմատի Հայաստանի ազգային հավաքականն առաջին անգամ նվաճեց աշխարհի չեմպիոնի տիտղոսը: Նինբոյում անցկացվող թիմային առաջնության վերջին տուրում Հայաստանի եւ Ուկրաինայի հավաքականները խաղացին ոչ ոքի` 2:2 հաշվով: Բոլոր պարտիաներում գրանցվեց ոչ ոքի:

Հայաստանը 9 տուրում վաստակեց 14 միավոր եւ 2 միավորով առաջ անցավ Ուկրաինայից: Հայաստանը նախորդ երեք առաջնություններում դարձել էր բրոնզե մեդալակիր:

Հայաստանի հավաքականի անցկացրած հանդիպումները.

1. Հայաստան-Իսրայել՝ 3.5։0.5
2. ԱՄՆ-Հայաստան՝ 2։2
3. Հայաստան-Ռուսաստան՝ 2։2
4. Հայաստան-Եգիպտոս՝ 3.5։0.5
5. Չինաստան-Հայաստան՝ 1.5։2.5
6. Հայաստան-Հնդկաստան՝ 2.5։1.5
7. Հունգարիա-Հայաստան՝ 1.5։2.5
8. Հայաստան-Ադրբեջան՝ 2։2
9. Հայաստան-Ուկրաինա՝ 2։2

Նյութն ըստ news.am և armsport.am կայքերի

[Ավրորա]

Սիրով շնորհավորում եմ մեր շախմատիստներին,մեր հերոսներին,ովքեր մեկ անգամ ևս բարձր պահեցին հայ ազգի պատիվը և ապացուցեցին,որ Հայաստանն է հանդիսանում իմաստուն խաղի գերտերությունը…Փառք ու պատիվ Լևոն Արոնյանին,Սերգեյ Մովսեսյանին,Վլադիմիր Հակոբյանին,Գաբրիել Սարգսյանին,Ռոբերտ Հովհաննիսյանին և մարզիչ Արշակ Պետրոսյանին:Կեցցե՛ք:Ես Ձեր շնորհիվ մեկ անգամ ևս ինձ անսահման հպարտ զգացի,որ հայ եմ ծնվել:
Առանձնակի ցանկանում եմ նշել Վլադիմիր Հակոբյանի անունը,ով գովասանքի առանձին խոսքերի է արժանի:Նախավերջին տուրում,երբ Հայաստանը խաղում էր մեր Ադրբեջանի հետ,որը հանդիսանում է մեր սկզբունքային հակառակորդը,թե՛ սպորտի,թե՛ առհասարակ կյանքի բոլոր ասպարեզներում,և,երբ Գաբրիել Սարգսյանը ցավալի պարտություն կրեց Մամեդյարովից,Վլադիմիր Հակոբյանը մեր վերջին հույսն էր(Արոնյանը և Մովսեսյանը խաղաղ դաշն էին կնքել) և նա դժվարին պայքարում կարողացավ ցուցաբերել անկոտրում կամք և կարողացավ հաղթել Մամեդովին ,և այդպիսով մենք խուսափեցինք Ադրբեջանից կրել առաջին պարտությունը այս առաջնությունում,որը նաև կարող էր հոգեբանական ծանր կացության մեջ գցել մեր տղաներին:Բայց ինչպես գիտենք մեր տղաներն առաջնորդվում են «մեկը բոլորին,բոլորը մեկին» սկզբունքով և պայքարում են մինչև վերջին քայլը և չեն նահանջում ոչ մի դժվարությունից…Մեկ անգամ ևս շնորհավորում եմ Ձեզ սիրելի շախմատիստներ: