Ավագ դպրոցների թերությունները

[Ara]

Հարգելի գործընկերներ եկեք անկեղծ լինենք:

[Իրինա]

Կրկնուսույցների առկայությունը:

[Narine21]

Բարև Ձեզ սիրելի ֆորումցիներ.
Լրիվ դեմ եմ տասներկու ամյա կրթությանը:

[Liza]

Ավագ դպրոցը կայանում է և ներկա կրթական համակարգի ամենադրական գործընթացն է: Ես ավագ դպրոցի ուսուցիչ եմ և հայացքս ներսից է, տեսնում եմ և թերությունները, և առավելությունները: Թերությունները ոչ այնքան դպրոցինն է, որքան ֆինանսավորման համակարգինը, որը հնարավորություն չի տալիս բացել այնքան դասարան և հոսք, որքան պետք է: Խորացված ուսուցման մեծ հրապարակ կա, բայց, էլի եմ ասել, դեռ մասնավոր պարապմունքին իր ժամաքանակով և աշակերտների խտությամբ չի հասնում:
ևս մեկ թերություն` ըստ իս. շատ հարակից առարկաներ հանել է պետք. Ֆիզկուլտուրային հատկացված շաբաթական 3 ժամին դեմ եմ. մարմնակրթական գործընթացը կարելի է կատարել խմբակների, սեկցիաների և նախասիրական պարապմունքների ձևով:
Ժամանակակից դպրոցի Մոդաներից մեկն էլ հումանիտար թևի հզորացումն է ` ի հաշիվ բնագիտական թևի / ես բնագիտական թևից եմ /.

[Susanna37]

Ավագ դպրոցներ կան, որ արդեն գործում են երկու տարի, և նրանց թերություններն ու առավելությունները պետք է արդեն երևային, այսինքն, իմ կարծիքով, նրանց աշակերտները պետք է ունենային հանրակրթական առարկաներից խորը և կայուն գիտելիքներ, մասնագրտական պատրաստվածություն, առանց կրկնուսույցների մոտ պարապելու պետք է բուհեր ընդունվեին, արհեստագործական հոսքերն ավարտածները պետք է տիրապետեին իրենց ընտրած արհեստների գոնե այբուբենին: Եթե այդպես լինի, դարձյալ իմ կարծիքով, կարելի է ասել, որ ավագ դպրոցը կայացել է, նրա առանձնացումը հիմնական դպրոցից արդարացված է:
Ես ավագ դպրոցի ներսից չեմ, նրան դրսից եմ նայում, ուղղակի զրուցել եմ աշակերտների, ծնողների և ավագ դպրոցների ուսուցիչների հետ և հասկացել եմ, որ դրանք առանձնապես չեն տարբերվում սովորական հանրակրթական դպրոցից:Որոշ դպրոցի տնօրեններ երևի ընդունել են մի քանի ատեստացիա անցած ուսուցիչների կամ կոչում ունեցող ուսուցիչների ու վերջ:
Ես մի դպրոց գիտեմ, որ բացել է տնտեսագիտակա,բնագիտամաթեմատիկական, հումանիտար, ընդհանուր հոսքեր, հետո առանց աշակերտների կարծիքը հաշվի առնելու նրանց մի հոսքից մյուսն է ուղարկել, որովհետև նույն դպրոցից եկած աշակերտներին չի ուզեցել մի հոսքում լինեն, մի հոսքում շատ են հավաքվել, մյուսում`քիչ, հավասարեցրել է` հաշվի չառնելով աշակերտների կարծիքը, երրորդ օրն է, բայց ուսուցիչները դեռ դասարան չեն մտել,որովհետև դասարանների ձևավորումը դեռ չի ավարտվել: Երևի սրանք բնական են, ես չգիտեմ, բայց ինձ թվում է` բոլոր նախապատրաստական աշխատանքները և կոմպլեկտավորումը պետք է ավարտեին մինչև սեպտեմբերի մեկը:Այդպես էլ հապճեպ ավագ դպրոցներ ստեղծեցին`առանց անհրաժեշտ նյութատեխնիկակն բազա ստեղծելու, կադրեր պատրաստելու: Իմ կարծիքով անգամ տնօրեններ պիտի պատրաստեին հատուկ ավագ դպրոցների համար:

[anush]

ԱՎԱԳ ԴՊՐՈՑՆԵՐԻ ՀԱՄԱԿԱՐԳԻ ՍՏԵՂԾՄԱՆ ՌԱԶՄԱՎԱՐԱԿԱՆ ԾՐԱԳԻՐ
Այս բարեփոխումների հիմնական նպատակներն են.
ա) բարձրացնել ավագ դպրոցում կրթության որակը,
բ) ստեղծել սովորողների համար նախընտրելի հոսքային ուղղության, այդ թվում, նախնական մասնագիտական կրթության ընտրության հնարավորություն։ Այդ նպատակով ավագ դպրոցի կրթական ծրագիրը դարձնել ճկուն` հնարավորություն ստեղծելով արձագանքելու աշակերտների կրթական պահանջմունքներին և նախասիրություններին։
գ) կատարելագործել ավագ դպրոցների իստիտուցիոնալ համակարգը՝ նպաստելով հանրակրթության արդյունավետության բարձրացմանը
Չեմ կարծում, որ այս կետերից որևէ մեկը այսօր բավարարավել է:

[Susanna37]

Չեմ կարծում, որ այս կետերից որևէ մեկը այսօր բավարարավել է:[/QUOTE]


Կուզեի հակառակը պնդել, բայց, ցավոք, լիովին համաձայն եմ Ձեզ հետ:Իմ կարծիքով, ավագ դպրոցները ընտրելիս հաշվի են առել դրանց աշխարհագրական դիրքը, ոչ պայմանները, դպրոցների տարածքը, նյութատեխնիկական բազան, կադրերը և այլն, իսկ մինչև ստեղծեն անհրաժեշտ պայմաններ, առնվազն մի քանի տարի կանցնի:

[ԺաննաՀ]

Նորության կարգով`
<<Բարեփոխումներ` վերևից ներքև. ավագ դպրոցը հանրակրթության որակի գրավակա՞ն>> http://ankakh.com/2010/10/57069/

[Մարգարիտ]

Իմ հարցը վերաբերում է ավագ դպրոցորմ եղած հոսքային դասարանի խտությանը:Կարող արդյոք այդ դասաաններում լինել 30 աշակերտ?

[Liza]

Ավագ դպրոցում հոսքային դասարաններում խտությունը 30 աշակերտ լինել չի կարող, մեզ մոտ միջին խտությունը 16 աշակերտ է, տնտեսագիտական ու հումանիտար հոսքում` մի փոքր ավելի, կենսաքիմիական ու ֆիզիկամաթեմատիկական` ավելի քիչ: