Հետաքրքրաշարժ քիմիա

[Իրինա]

Կա չինական մի ասացվածք.
Լսում եմ, մոռանում եմ,
Տեսնում եմ , հիշում եմ,
Կատարում եմ, հասկանում եմ:
Թեման նվիրում եմ այն աշակերտներին, ովքեր սիրում են քիմիան և ցանկություն ունեն տանը փորձել իմ առաջարկած քիմիական փորձերը:
Հրավառություն առանց կրակի
2 գ կալիումի պերմանգանատի ( марганцовка) մանրափոշին գլիցերինով արագ շաղախել, փաթաթել թղթի մեջ ու տեղավորել ճենապակյա թասի մեջ: Քիչ անց փաթեթը բռնկվում ու այրվում է:

Շաքարը բոցավառվում և այրվում է առանց լուցկու
Շաքարի կտորը կրակի վրա չի վառվում, այլ հալվում է: Իսկ եթե շաքարի կտորի վրա քիչ քանակությամբ ծխախոտի մոխիր ցանենք, ապա այրվող լուցկու բոցում այն կբռնկվի ու կայրվի կապատավուն բոցով:

Արձագանքներ լինելու դեպքում խոստանում եմ շարունակել:

[Իրինա]

Անտեսանելի թանաք
Անհրաժեշտ նյութեր- կես լիմոն, բամբակ,լուցկի, 1 բաժակ ջուր, թուղթ:

1.Լիմոնից հյութը քամենք բաժակի մեջ և ավելացնենք նույնքան ջուր:

2.Բամբակով փաթաթած լուցկու հատիկը թաթախենք լիմոնի հյութի մեջ և թղթի վրա գրենք ինչ-որ բան:

3. Երբ ,, թանաքը,, չորանա, այն տաքացնենք էլեկտրական լամպի վրա:Թղթի վրա կերևան գրված բառերը:

[Իրինա]

Իսկ հիմա մի փոքրիկ գլուխկոտրուկ .
Ինչպե՞ս կարելի է բաժանել աղի ու սև պղպեղի խառնուրդը:

[sokrat]

Չգիտեմ "փչացնելով" բաժանում կարելի է, թե ոչ:
Բայց եթե կարելի է, ապա խարնուրդը կարելի է լցնել ջրի մեջ:
Աղը կսուզվի (հոտո էլ կլուծվի), իսկ պղպեղը կմնա ջրի երեսին:

Չնայած դա էնքան էլ "փչացնել" չէ: Քանի որ պղպեղը կարելի է հավաքել ու չորացնել, հետո էլ ջուրը գոլորշացնել ու առանձնացնել աղը:

Հնարավոր է նաև մեխանիկական եղանակով` օգտվելով այդ նյութերի խտությունների տարբերությունից:

[Իրինա]

Ավելի անվնաս եղանակ էլ կա. փուչիկը փչած վիճակում պետք է քսել բրդյա որևէ կտորի և մոտեցնել խառնուրդին: Պղպեղը կպնում է փուչիկին, իսկ աղը մնում է սեղանին: Բացատրությունը, կարծում եմ, հասկանալի է:

[sokrat]

Սենյակում, որտեղ ջերմաստիճանը 22 աստիճան է ըստ Ցելսիուսի, սեղանին դրված է մետաղյա անոթ, ջրի փոքրիկ լճակի մեջ:

Հարց: Ի՞նչ նյութեր լցնել անոթի մեջ, որպեսզի անոթի տակ եղած ջուրը վերածվի սառույցի:
Լավ կլինի պատասխանի տարբերակները ստուգված լինեն տնային պայմնններում` փորձով:

[Իրինա]

Իմ կարծիքով պետք է սելիտրա լցնել:Այն դեռևս հայտնի էր XVI դարում:

[sokrat]

Եթե սիլիտրա լցնելը կսառեցնի ջուրը, Դուք փորձել եք և ստացվում է, ապա շատ լավ:
Ուրեմն դա էլ է տարբերակ:
Ես դա չգիտեի:

[Իրինա]

Իսկ Ձեր պատասխա՞նը:

[sokrat]

Անոթում կերակրի աղ և ձյուն եք լցնում ու խառնում:
Կարելի է նաև լավ մանր սառույց և աղ: