+ Կատարել գրառում
Էջ 2 5-ից ԱռաջինԱռաջին 1 2 3 4 ... ՎերջինըՎերջինը
Ցույց են տրվում 11 համարից մինչև 20 համարի արդյունքները՝ ընդհանուր 44 հատից

Թեմա: Համո Սահյան. Պոեզիա

  1. #11
    Ավագ մասնակից Լուսինե is on a distinguished road
    Գրանցման ամսաթիվ
    12.05.2010
    Գրառումներ
    179
    Հեղինակության աստիճան
    5
    ՈԻ ԵՍ ԵԿԱ
    Արդեն չգալ չէի կարող,
    Ինչ էլ լիներ, պիտի գայի:
    Ու ես եկա... Ասում են թե
    Թոնրի շուրթին ուշաթափվեց
    Խրտնած շողքը լուսնյակի,
    Լուսաբացի մի պատառիկ
    Երդիկն ի վար թրթռալով,
    Ընկավ մորս հոգնած բարձի
    Եվ իմ անհոգ բախտի վրա:
    Երդիկն ի վեր թրթռալով
    Իմ առաջին ճիչը թռավ
    Եվ առաջին ծիծեռնակի
    Ծիվ-ծիվի հետ
    Քիվից կախվեց բակի վրա:
    Իրարանցում եղավ հետո
    Խաչիպապենց հին հոդայում...
    Պապս ասաց.— Տեր երկնայի՛ն,
    Քո փառքը շատ, իմ աչքը լույս,
    Տանս մի սյուն,
    Մի գերան էլ ավելացավ:
    Խաչակնքեց իր երեսին
    Ու մրմնջաց տատս մի բուռ.
    — Անխիղճ աստված, այս ի՞նչ արիր,
    Խեղճ ու կրակ սուփրիս վրա
    Մի ավելորդ գդալ բռնող,
    Մի բերան էլ ավելացավ:
    Ինքն իրենից ամաչելով
    Հայրս անցավ սյունի ետև,
    Սրբեց քրտինքն իր ճակատի
    Եվ աչքերի արցունքը տաք
    Ու երևի մտքում ասաց.
    — Արտ ու կալում ցավիս ընկեր
    Գութան քշող ու կամ քշող
    Մի ճիպոտ էլ ավելացավ...
    Առան-տվին, տվին-առան,
    Ու ոչ մեկը գլխի չընկավ,
    Որ աշխարհի կանաչ-կարմիր
    Երազների ետևն ընկած
    Երկու ոտ էլ ավելացավ:
    Երազներից քարե ծաղիկ
    Եվ քարեղեն հեքիաթ հյուսող
    Երկու ձեռք էլ ավելացավ:
    Ու թեկուզ այս մեղքերը շատ,
    Վերքերը շատ աշխարհի մեջ
    Մի նոր մեղք էլ,
    Մի նոր վերք էլ ավելացավ,
    Բայց նրա մեծ համերգներում
    Մեր աշխարհի համ ու հոտով
    Մի նոր երգ էլ ավելացավ:

    Համո Սահյան

  2. Գրառմանը 2 հոգի շնորհակալություն են հայտնել.

    Լիլիթ (16.06.2010), Suzi Malumyan (25.03.2012)

  3. #12
    Ավագ մասնակից Լուսինե is on a distinguished road
    Գրանցման ամսաթիվ
    12.05.2010
    Գրառումներ
    179
    Հեղինակության աստիճան
    5
    ԱՂՈԹԱՐԱՆ ՍԱՐԸ

    Չէ, աշխարհի սարերի մեջ
    Չուներ հավասարը —
    Հարգանքը մեծ ու սիրտը մեծ
    Աղոթարան սարը:
    Չգիտեիր ո՞վ էր թռչում —
    Դո՞ւ, թե ճանապարհը,
    Երբ զարթնում էր ու չէր ննջում
    Աղոթարան սարը:

    Հավք ուզեիր, նա քեզ կտար
    Մեկի տեղ հազարը,
    Հավքի բույն էր փեշից–կատար
    Աղոթարան սարը:

    Ծաղիկ ասես, ծաղիկներով
    Կպահեր աշխարհը...
    Ուրախ էր իր տալիքներով Աղոթարան սարը:
    Հյուրը հանկարծ ծարավ մնար,
    Իզուր չէր հուսալը,
    Սրտից աղբյուր կհաներ նա՝
    Աղոթարան սարը:

    Մտածե՞լ ես դու երբևէ,
    Թե ի՞նչն է պատճառը,
    Որ դարձել է բախտիդ բևեռ
    Աղոթարան սարը:

    Ինչի՞ց է, որ չի սպառվում
    Երգի քո պաշարը,—
    Լոկ նա գիտե այս աշխարհում —
    Աղոթարան սարը:

    Նրանից է սնունդ առնում
    Քո երգերի ծառը...
    Բայց դու արդեն չես բարձրանում
    Աղոթարան սարը:

    Սարսռում է ինչ-որ ձորում
    Գերեզմանիդ քարը,
    Նայում, գլուխն է օրորում
    Աղոթարան սարը:

    Տարին օր է, օրը՝ տարի,
    Դու տես գլխիդ ճարը,
    Էլ կածանը քեզ չի տանի
    Աղոթարան սարը:


    Համո Սահյան

  4. Գրառմանը 1 հոգի շնորհակալություն է հայտնել.

    Suzi Malumyan (25.03.2012)

  5. #13
    Ավագ մասնակից Gago is on a distinguished road
    Գրանցման ամսաթիվ
    05.05.2010
    Հասցե
    Երևան, Դավիթաշեն
    Տարիք
    45
    Գրառումներ
    284
    Հեղինակության աստիճան
    5
    Ինձ՝ վախենալու խիզախությունը,
    Ինձ՝ տառապանքի ուրախությունը,
    Ինձ՝ այս կածանի մտերմությունը,
    Ինձ՝ հողի հանդեպ այս ջերմությունը։
    Ինձ՝ այս քարափի ընկերությունը,
    Ինձ՝ երգի տաժանքն ու գերությունը…
    Մնացածը՝ ձեզ,
    Ձեզ՝ այս աշխարհն ու այս տերությունը։

    Հ. Սահյան

  6. Գրառմանը 2 հոգի շնորհակալություն են հայտնել.

    Արմեն (14.06.2010), Suzi Malumyan (25.03.2012)

  7. #14
    Ավագ մոդերատոր Լիլիթ is on a distinguished road Լիլիթ-ի ավատար
    Գրանցման ամսաթիվ
    06.05.2010
    Գրառումներ
    289
    Հեղինակության աստիճան
    5
    Կա մի թուլություն,
    Որ ինձնից վանել
    Չեմ կարողանում,
    Քո չարության դեմ
    Բարություն չանել
    Չեմ կարողանում:
    Բայց դեռ չգրված
    Երգիս տողի պես
    Անգիր եմ արել...
    Անգիր եմ արել,
    Բայց արտասանել
    Չեմ կարողանում:
    Ես քեզ մոռանալ
    Քեզնից հեռանալ
    Չեմ կարողանում:
    Ինձ քեզնից խլել,
    Ինձնից վերանալ,
    Չեմ կարողանում...

    ՀԱՄՈ ՍԱՀՅԱՆ

  8. Գրառմանը 3 հոգի շնորհակալություն են հայտնել.

    Gago (16.06.2010), Արմեն (18.06.2010), Suzi Malumyan (25.03.2012)

  9. #15
    Ավագ մասնակից Լուսինե is on a distinguished road
    Գրանցման ամսաթիվ
    12.05.2010
    Գրառումներ
    179
    Հեղինակության աստիճան
    5
    ՈՒր որ նայում եմ

    Ուր որ նայում եմ, քարե բարձունք է,
    Քարե արցունք է, քարե ժպիտ,
    Քարե սարսուռ, է ու քարե սունկ է,
    Քարե ծաղկունքի քնքշանք է բիրտ։
    Քարերի վրա քարե վագրեր են,
    Ուր-որ է պիտի պատռեն իրար։
    Քարե երգեր են, քարե վանքեր են,
    Քարե հավքեր են քիվերն ի վար։
    Քարե մրրիկ է ու քարե բուք է,
    Քարե բողոք է ու քարե բերդ,
    Քարե շեփոր է, քարե թմբուկ է,
    Քարե թափոր է, քարերի երթ...
    Քարե ընդվզում, քարե տանջանք է,
    Քարե ավար է, առևանգում...
    Քարե զարմանք է ու զարհուրանք է,
    Քարե թռիչք է, քարե անկում։
    Քարե ամպրոպ է ու ծիածան է,
    Քարե լծկան է ու քարե մաճ.
    Քարե մագաղաթ, քարե մատյան է,
    Քարե խորհուրդ է ու քարե խաչ։
    Մեր բաժին աստված, քո սիրտն էլ քար էր,
    Որ մեզ քարերը տվիր նվեր,
    Բայց քո կյանքը կարճ, մերը երկար էր,
    Ու երկարում է քարերն ի վեր։
    Համո Սահյան

  10. Գրառմանը 1 հոգի շնորհակալություն է հայտնել.

    Suzi Malumyan (25.03.2012)

  11. #16
    ** Կարապետ is on a distinguished road
    Գրանցման ամսաթիվ
    29.04.2010
    Հասցե
    
    Գրառումներ
    276
    Հեղինակության աստիճան
    5
    Ինչ անեմ: Աչքերս փակեմ
    Անրջեմ... ոու բանամ նորից:
    Հուշերս հավաքեմ մեկ - մեկ
    ՈՒ մտքով մանկանամ նորից:
    Կորստի սարսափը հերքեմ,
    Հույսերից շիկանամ նորից...
    Հավատամ մարդուն, աշխարհին,
    Մոլորված չմնամ նորից:
    Չգիտեմ ուր եմ հասնելու,
    Չգիտեմ երբ եմ հասնելու..
    Ճամփա 1, նստեմ աջս քարին,
    Շունչ քաշեմ ոու գնամ նորից;

    Համո Սահյան
    Վերջին խմբագրող՝ Կարապետ: 27.06.2010, 22:31:

  12. Գրառմանը 1 հոգի շնորհակալություն է հայտնել.

    Suzi Malumyan (25.03.2012)

  13. #17
    ** Կարապետ is on a distinguished road
    Գրանցման ամսաթիվ
    29.04.2010
    Հասցե
    
    Գրառումներ
    276
    Հեղինակության աստիճան
    5
    Երազիս մեջ ես ինձ տեսա քո աչքերով,
    Քո աչքերով, քո աչքերով ճանաչեցի:
    Երազիս մեջ ես մեռա ինձ անիծելով,
    Երազիս մեջ ես ինձանից ամաչեցի:

    Երազիս մեջ քեզ խղճացի հազար անգամ,
    Հազար անգամ քեզ ներեցի երազիս մեջ
    Եվ զարմացա, ավելորդ է ասելն անգամ,
    Թե ես ինչպես համբերեցի երազիս մեջ:

    Երազիս մեջ համբերեցի: Բայց արթնացա
    Եվ հասկացա, որ վաղուց ես ինձ սպանել...
    Ես մեկն էի, ինչպես է, որ երկու դարձա.
    Միտք եմ անում... ոուչեմ կարոխ լուսաբանել:

    Համո Սահյան
    Վերջին խմբագրող՝ Կարապետ: 27.06.2010, 22:31:

  14. Գրառմանը 1 հոգի շնորհակալություն է հայտնել.

    Suzi Malumyan (25.03.2012)

  15. #18
    ** Կարապետ is on a distinguished road
    Գրանցման ամսաթիվ
    29.04.2010
    Հասցե
    
    Գրառումներ
    276
    Հեղինակության աստիճան
    5
    Ես այն եմ եղել, ինչ որ եղել եմ,
    Չեմ հասել երբեք քո որոնածին,
    Քո որոնոծը աննյութեղենն էր,
    Իսկ ես` հողեղեն, հողոտ, հողածին:
    Ես այն եմ եղել, ինչ որ եղել եմ,
    Իմացիր, որ էլ երեսով չտաս,
    Հանդիպման օրից ես ինձ նեղել եմ,
    Որ դու աշխարհում նեղություն չզգաս:
    Ես այն եմ եղել, ինչ որ եղել եմ,
    Լռել եմ, ներել, տարել, համբերել...
    Ու թե պատահմամբ ճամփաս շեղել եմ,
    Քայլերս նորից ձեր տուն են բերել:
    Ես այն եմ եղել, ինչ որ եղել եմ,
    Չեմ հասել երբեք քո որոնածին,
    Քո որոնոծը աննյութեղենն էր,
    Իսկ ես` հողեղեն, հողոտ հողածին:

    Համո Սահյան

  16. Գրառմանը 2 հոգի շնորհակալություն են հայտնել.

    Լիլիթ (28.06.2010), Suzi Malumyan (25.03.2012)

  17. #19
    Ավագ մասնակից Gago is on a distinguished road
    Գրանցման ամսաթիվ
    05.05.2010
    Հասցե
    Երևան, Դավիթաշեն
    Տարիք
    45
    Գրառումներ
    284
    Հեղինակության աստիճան
    5

    ՊԱՐՈԻՅՐ ՍԵՎԱԿԻՆ

    Ինչպե՞ս ապրեմ առանց քեզ,
    Սիրելի Պարույր,
    Դու հաց էիր ինձ համար,
    Օդ էիր ու ջուր։

    Անհնար է հավատալ,
    Որ չկաս իրոք,
    Դու իմ եղբայր, դու իմ պապ,
    Իմ գիժ, իմ խելոք։

    Իմ անզիջում, անողոք
    Եվ իմ քմահաճ,
    Կոմիտասյան իմ մորմոք,
    Իմ տնավեր լաճ։

    Իմ հանճարեղ, իմ հիմար,
    Իմ պղտոր, իմ ջինջ,
    Բահի զնգոց, խոփի վար,
    Ամեն, ամեն ինչ...

    Դու մատչելի, մարդամոտ,
    Դու և անաոիկ,-
    Մարգի համեմ, լանջի խոտ,
    Բարձունքի ծաղիկ։

    Դու մի բանակ, դու մի զորք,
    Դու մի տոհմի շյուղ,
    Դու հրթիռի հրացոլք
    Ու երդիկի ծուխ։

    Ինքդ քեզնից հասարակ,
    Ինքդ քեզնից վեր...
    Դու գալիքից առած վարկ,
    Անցյալի նվեր։

    Դու դպիր ու շինական,
    Դու անխոնջ գրիչ,
    Դու իմ անտեր տիրակալ,
    Եվ տիրական խիղճ...

    Ուտում էինք, մեր բախտին
    Երանի տալով,
    Ապուրը նույն ամանից
    Եվ նույն գդալով։

    Հիմա ես ո՞ւմ հետ կիսեմ
    Հավատամք ու հաց,
    Եվ ո՞ւմ զրույցը լսեմ
    Մինչև լուսաբաց։

    Ի՞նչ ես անում առանց ինձ,
    Ո՞ւմ ես խրատում,
    Ո՞ւմ համար ես ձեռագիր
    Երգերդ կարդում։

    Չես ընդունում դու արդեն
    Կանչ ու հրավեր,
    Ոչ էլ մեզ ես ընդունում,
    Տո՛ լաճ տնավեր։

    Չես ընդունում... բայց կգամ,
    Սպասիր քիչ էլ,
    Զրույց կանենք վիճելով
    Մինչև ուշ գիշեր...

    Այս ի՞նչ խավար է այսպես
    Իմ սրտին իջել։

    Անհուն էր երկինքդ,
    Ախ, երևի ինքդ
    Քեզ խանդեցիր։

    Տունդ Սասնա տուն էր,
    Հիմքը հաստատուն էր,
    Դու քանդեցիր։

    Քեզ — խավարն ու ցուրտը...
    Մեզ — լույսի խորհուրդը
    Ավանդեցիր։

  18. Գրառմանը 2 հոգի շնորհակալություն են հայտնել.

    manush (19.07.2010), Suzi Malumyan (25.03.2012)

  19. #20
    Ավագ մասնակից Gago is on a distinguished road
    Գրանցման ամսաթիվ
    05.05.2010
    Հասցե
    Երևան, Դավիթաշեն
    Տարիք
    45
    Գրառումներ
    284
    Հեղինակության աստիճան
    5

    ՀԻՇՈՂՈՒԹՅՈՒՆՍ...

    Հիշողությունս...
    Նման չէ կնոջ,
    Հակառակն է ճիշտ,
    Քանի ջահել էր,
    Չէր դավաճանում,
    Հենց որ ծերացավ,
    Աչքը դուրս է միշտ։

  20. Գրառմանը 2 հոգի շնորհակալություն են հայտնել.

    manush (19.07.2010), Suzi Malumyan (25.03.2012)

+ Կատարել գրառում
Էջ 2 5-ից ԱռաջինԱռաջին 1 2 3 4 ... ՎերջինըՎերջինը

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

     

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները