Համացանցի օգտագործման ուղեցույց

[Chuk]

Մարտին Մինասյան
Անահիտ Մինասյան
Արտակ Հարությունյան



Կրթական տեխնոլոգիաների ազգային կենտրոնի (ԿՏԱԿ) պատվերով պատրաստվել և հրատարակվել է «Համացանցի օգտագործման ուղեցույց» ուսումնաօժանդակ ձեռնարկը։ Այն ստեղծել է «Տեղեկատվական և հաղորդակցական տեխնոլոգիաների օգտագործման վերաբերյալ ուսումնաօժանդակ ձեռնարկի և կից էլեկտրոնային նյութի ստեղծում և հրատարակում» ծառայության գնման բաց մրցույթի արդյունքում ընտրված «Դար» հրատարակչությունը (հեղինակներ՝ Մարտին Մինասյան, Անահիտ Մինասյան, Արտակ Հարությունյան): «Համացանցի օգտագործման ուղեցույցը» երաշխավորված է ՀՀ կրթության և գիտության նախարարության Կրթության ազգային ինստիտուտի կողմից՝ որպես ուսումնաօժանդակ ձեռնարկ հանրակրթական դպրոցի համար։

Ձեռնարկը կօգնի ուսուցիչներին ու սովորողներին համացանցում կողմնորոշվելու, տեղեկատվական և հաղորդակցական տեխնոլոգիաների ստեղծված հնարավորություններին ծանոթանալու, կրթական պաշարներն արդյունավետ կիրառելու և հայալեզու պաշարները հարստացնելու հարցերում։

Ձեռնարկին կից լազերային սկավառակում մուլտիմեդիա ձևաչափերով մշակված էլեկտրոնային տարբերակը կնպաստի նյութի առավել պատկերավոր ընկալմանը և կիրառական հմտությունների ձևավորմանը։

Հայաստանի բոլոր հանրակրթական ուսումնական հաստատություններին հանձնվում են ձեռնարկի երկուական օրինակներ և կից էլեկտրոնային նյութ՝ լազերային սկավառակով, իսկ ձեռնարկի ու կից սկավառակի նյութն առավել շատ մարդկանց հասանելի լինելու համար ԿՏԱԿ-ը դրանք հասանելի է դարձնում նաև կայքի տարբերակով:


Այս թեմայում առաջարկում ենք քննարկել գիրքը, գրել կարծիքներ ու մեկնաբանություններ, անել առաջարկնել ու դիտողություններ: Քննարկումներ կազմակերպվել էին նաև «Կրթական համալիր էջ» պորտալի հին ֆորումում, հնչել էին բազում կարծիքներ, որոնք հասանելի են այս հասցեով:

[Կարապետ]

Շատ լավ ուղեցույց է հիմնականում նորեկների համար

[Alexanyan]

Բարև Ձեզ , ողջունում եմ բոլորին և ուզում եմ իմ խորհին շնորհակալությունը հայտնել այս ուղեցույցի ստեղծմող աշխատակազմին;
Այն օգնեց մեզ համակարգել գիտելիքները համացանցի վերաբերյալ և կիրառել այն դասապրոցեսում:

[admin]

Սիրելի բարեկամներ, շատ հաճելի է լսել նման գովասանական խոսքեր (խոսքս վերաբերվում է թե՛ այս ֆորումում հնչած կարծիքներին, թե հին ֆորումում եղած արձագանքներին), բայց կարծում եմ, որ թե ԿՏԱԿ-ի, թե գրքի հեղինակային կազմի համար շատ կարևոր կլինի լսել նաև դիտողություններ ու առաջարկներ, որոնք կօգնեն հաջորդ նման նախաձեռնություններն առավել որակով կատարել:

Նաև ուրախ կլինեինք լսել կարծիքներ ձեռնարկի կայք տարբերակի մասին, թե ինչե՞ր կարելի է ավելացնել նրանում, և նման այլ առաջարկներ, որպեսզի կարողանանք կայքն առավել հարմարավետ ու օգտակար դարձնել ինտերնետի օգտագործողների համար:

[Համլետ]

Ողջունում եմ բոլորին: Ես դիտեցի ձեռնարկի կայք տարբերակը: Այդ կայքի ծրագրերը տեղակայված են Network.am կայքում: Ես օգտվում եմ Network.am-ից, բայց չգիտեի, որ այնտեղ այդ նույն ծրագրերը կան, որոնք ես քաշել էի արտասահմանյան կայքերից : Ինչ վերաբերում է կայքի ձեռնարկ բաժնին, ես կասեի, որ այնտեղ կան տեղեկություններ ինտերնետից անվտանգ օգտվելու, փոստաղբից խուսափելու և շատ ու շատ այլ թեմաների մասին: Ես միշտ օգտագործել եմ, օրինակ, սպամ բառը և երբեք չեմ իմացել, որ այն հայերեն թարգմանվում է որպես փոստաղբ: Եվ եթե չլիներ այս հայերեն լեզվով կայքը, ես միգուցե ընդհանրապես չէի իմանա դա: Նաև ինձ դուր եկավ բառարանը: Այն օգնում է, որպեսի մեր խոսակցական լեզվից դուրս գան համակարգչային օտար լեզվի տերմինները:

[Chuk]

Ողջունում եմ բոլորին: Ես դիտեցի ձեռնարկի կայք տարբերակը: Այդ կայքի ծրագրերը տեղակայված են Network.am կայքում: Ես օգտվում եմ Network.am-ից, բայց չգիտեի, որ այնտեղ այդ նույն ծրագրերը կան, որոնք ես քաշել էի արտասահմանյան կայքերից : Ինչ վերաբերում է կայքի ձեռնարկ բաժնին, ես կասեի, որ այնտեղ կան տեղեկություններ ինտերնետից անվտանգ օգտվելու, փոստաղբից խուսափելու և շատ ու շատ այլ թեմաների մասին: Ես միշտ օգտագործել եմ, օրինակ, սպամ բառը և երբեք չեմ իմացել, որ այն հայերեն թարգմանվում է որպես փոստաղբ: Եվ եթե չլիներ այս հայերեն լեզվով կայքը, ես միգուցե ընդհանրապես չէի իմանա դա: Նաև ինձ դուր եկավ բառարանը: Այն օգնում է, որպեսի մեր խոսակցական լեզվից դուրս գան համակարգչային օտար լեզվի տերմինները:

Իմ համեստ կարծիքով Network.am կայքը հայկական ինտերնետային լավագույն ռեսուրսներից մեկն է, և մենք շնորհակալ ենք, որ կայքի հեղինակը մեզ տրամադրեց ինտերնետից օգտվելու համար անհրաժեշտ մի շարք անվճար ու օգտակար ծրագրեր (սկավառակի մեջ տեղադրելու համար), ինչպես նաև մեր խնդրանքով կայքում ավելացվեց ևս մի քանիսը, որոնք ցանկանում էինք ներառել սկավառակում:

Ինչ վերաբերվում է ձեռնարկի բառարանին ու հայերեն տերմիններին, ապա սա բավական բարդ մի հարց է, ներմուծված են բազում տերմիններ, բազում թարգմանություններ, որոնք, կարծում ենք, որ ժամանակը կզտի ու կթողնի նրանք, որոնք կմտնեն ժողովրդի խոսակցական լեզվի մեջ: Անձամբ ես կարծում եմ, որ փոստաղբը կմտնի այդ լեզվի մեջ, ի տարբերություն ասենք նույն SPAM բառի մեկ այլ՝ «Լցոն» թարգմանության:

Նաև տեղեկացնեմ, որ կայք տարբերակում բառարանն ուզում ենք ընդլայնել, ինչի համար խնդրում ենք բոլորիդ օգնությունը: Կարող եք այս թեմայում առաջարկել, թե ինչ բառեր եք ուզում տեսնել այդ բառարանում, ինչպես նաև առաջարկել հաջող կամ արդեն իսկ գործածվող թարգմանություններ, այդպիսով օգնելով միասին լրացնել բառարանը:

[Anahit_87]

Շնորհավորում և շնորհակալություն եմ հայտնում նման ձեռնարկ ստեղծելու համար: Այն շատ օգտակար է և բավականին մեծ դեր կունենա լայն մասսայի համար: Այնտեղ իրոք շատ մատչելի և հասկանալի ձեւով ներկայացված է համացանցի օգտագործումը: Շատ շնորհակալություն ԿՏԱԿ-ի կազմակերպիչներին :

[Հայժան]

Իրոք որ լավ ձեռնարկ է և համակարգված տեղեկություն կարող է տալ համացանցի նորեկ օգտվողներին: Գործնականում մեզ ավելին է պետք իմանալ: Հույս ունենանք, որ գործընթացը շարունակական կլինի:

[Նուշիկ]

Բարև Ձեզ , ուզում եմ շնորհակալություն հայտնել այս ուղեցույցի ստեղծող աշխատակազմին:
Այն օգնում է մեզ համացանցում կողմնորոշվելու, տեղեկատվական տեխնոլոգիաների ստեղծած հնարավորություններին ծանոթանալու, կրթական պաշարներն արդյունավետ կիրառելու հարցերում:

[Անահիտ19դպրոց]

Շնորհակալություն համացացի օգտագործման ուղեցույցը մեզ տրամադրելու համար: Այն մեզ շատ կօգնի: