PDA

Դիտել ողջ տարբերակը : Դպրոցական առարկայական օլիմպիադաներ 2010-2011



LEVON
08.02.2011, 18:58
Հենց նոր եմ գալիս օլիմպիադայից և ևս մի անգամ համոզվեցի, որ էլի ամեն ինչ ձևական բնույթ է կրում: Իրենց աշակերտներին գրում տալիս են, թե արտագրի, հետո էլ ում ուզում ուղարկում են հաջորդ փուլ:
Մի խոսքով ես թողեցի դուրս եկա: Այդտեղ օլիմպիադային նմանվող որևէ բան ես չտեսա:

Տաթև ջան
08.02.2011, 19:52
Իսկ ի?նչ ասեն այն հաղթողները, որոնք իրենց ուժերով անցան բոլոր փուլերը և ոչնչի չհասան` բացառությամբ պատվոգրերի:

Զառա
08.02.2011, 20:59
Հենց նոր եմ գալիս օլիմպիադայից և ևս մի անգամ համոզվեցի, որ էլի ամեն ինչ ձևական բնույթ է կրում: Իրենց աշակերտներին գրում տալիս են, թե արտագրի, հետո էլ ում ուզում ուղարկում են հաջորդ փուլ:
Մի խոսքով ես թողեցի դուրս եկա: Այդտեղ օլիմպիադային նմանվող որևէ բան ես չտեսա:

Իսկ ու?ր մնաց ուսուցչիդ ձայնը: Ինչու? լռեցիր?, ումից և ինչից վախեցար....Եթե պիտի տեսնեն ու լռեն, ուրեմն թող օլիմպիադան էլ վերածվի խեղկատակության....
Տաթև ջան, արդեն մեծ հաղթանակ է, որ աշակերտն իր ուժերով անցնում է բոլոր փուլերը` ուրեմն արդարություն դեռ կա... Իսկ հետաքրքիր է պատվորգիրց բացի ինչ պարգևներ կուզենայիք?: Ես օրինակ կուզենամ, որ հանրապետական ու միջազգային օլիմպիադաներին հաղթող աշակերտները արտոնյալ պայմաններով(անվճար) ընդունվեն համապատասխան բուհեր:

LEVON
09.02.2011, 18:30
Իսկ ի?նչ գիտես, որ չասեցի:.
Ամեն տարի էլ ասում եմ, բայց ոչ մի բան չի փոխվում, որովհետև ուսուցիչներից ոչ մեկը չի կանգնում իմ կողքին:
Տնօրեններն ասել են տար, նա էլ բերել է ու սպասում է, որ պրծնի, գնան տուն, ավարտելով իրենց առաքելությունը:
Մի խոսքով բացարձակ անտարբերություն է տիրում և քո ձայնը հնչում է ինչպես ՁԱՅՆ ԲԱՐԲԱՌՈ ՀԱՆԱՊԱՏԻ…

Զառա
09.02.2011, 20:16
Օլիմպիադաների նպատակը գերազանցիկներ փնտրել ու գտնելը չէ, այլ տաղանդավոր երեխաներին հայտնաբերելը: Այդպիսիները քիչ են, բոլորովին պարտադիր էլ չի, որ քո աշակերտը կլինի: Պարզապես պիտի հնարավորություն տալ գտնելու տաղանդներին: Բուհական քննություն էլ չի, որ անպայման փորձենք օգնել, որ անցնի: Պարզապես ով էլ հաղթողը լինի, բոլորս պիտի ուրախանանք մեր հայ աշակերտի հաղթանակով:
Տարիներ առաջ, երբ մեր աշակերտներից մեկը մարզային փուլում չէր էլ ներկայացվել, գնաց մասնակցելու հանրապետական փուլին: Հանրապետական փուլի նախագահն մեծ ուրախությամբ ընդունեց մեր աշակերտին, և հաղթանակով ուսուցչի հետ վերադարձան տուն: Եթե կտեսնեք, որ օլիմպիադայում անարդար են վարվել, համոզված եք ձեր աշակերտի գիտելիքների վրա, դուք էլ կարող եք գնալ և ցանկություն հանձնել մասնակցելու հանրապետական փուլին: Կարծում եմ սիրով կընդառաջեն այդպիսի աշակերտներին:
Ասեմ նաև հետևյալը. ընկերուհիս անընդհատ ինձ է ուղարկում իր տաղանդավոր աշակերտի խնդիրների կազմած ծրագրերը` շատ հետաքրքիր և լուծման ոչ ստանդարտ եղանակներով: Ես շատ ուրախ եմ այդպիսի աշակերտների գոյությամբ, չնայած դաս չեմ տալիս, և ընդհանրապես մեր մարզից էլ չէ: Բնականաբար այդ աշակերտը պիտի օլիմպադայում հաղթանակ տանի:
Եվ վերջապես, ովքեր են խանգարողները?, ուսուցիչներ... Տվյալ պարագայում ուրիշ ոչ մեկին մեղադրել պետք չի.... Իրենց աշակերտին արհեստականորեն բարձր գնահատելով` պիտի պատասխան տան մարզի, հանրապետության առաջ... Այդ բարձր ստացողը հաջորդ փուլում կխայտառակվի, որը ուսուցչին պատիվ չի բերի... Դրանով ուսուցիչը իր որակը չի բարձրացնի....
Այսօրվա օլիմպիադայի ժամանակ մենք դիտորդներ ունեինք, բացառել էինք հեռախոսների օգնությունը, հսկողները ոչ մասնագետներ էին: Ստուգող հանձնաժողովի մոտ էլ նստած էին դարձյալ դիտորդներ...Եթե այսքանից հետո անարդարություն կլինի, էլ ինչ ասեմ...

LEVON
10.02.2011, 00:45
Օլիմպիադաների նպատակը գերազանցիկներ փնտրել ու գտնելը չէ, այլ տաղանդավոր երեխաներին հայտնաբերելը: Այդպիսիները քիչ են, բոլորովին պարտադիր էլ չի, որ քո աշակերտը կլինի: Պարզապես պիտի հնարավորություն տալ գտնելու տաղանդներին: Բուհական քննություն էլ չի, որ անպայման փորձենք օգնել, որ անցնի: Պարզապես ով էլ հաղթողը լինի, բոլորս պիտի ուրախանանք մեր հայ աշակերտի հաղթանակով:
Տարիներ առաջ, երբ մեր աշակերտներից մեկը մարզային փուլում չէր էլ ներկայացվել, գնաց մասնակցելու հանրապետական փուլին: Հանրապետական փուլի նախագահն մեծ ուրախությամբ ընդունեց մեր աշակերտին, և հաղթանակով ուսուցչի հետ վերադարձան տուն: Եթե կտեսնեք, որ օլիմպիադայում անարդար են վարվել, համոզված եք ձեր աշակերտի գիտելիքների վրա, դուք էլ կարող եք գնալ և ցանկություն հանձնել մասնակցելու հանրապետական փուլին: Կարծում եմ սիրով կընդառաջեն այդպիսի աշակերտներին:
Ասեմ նաև հետևյալը. ընկերուհիս անընդհատ ինձ է ուղարկում իր տաղանդավոր աշակերտի խնդիրների կազմած ծրագրերը` շատ հետաքրքիր և լուծման ոչ ստանդարտ եղանակներով: Ես շատ ուրախ եմ այդպիսի աշակերտների գոյությամբ, չնայած դաս չեմ տալիս, և ընդհանրապես մեր մարզից էլ չէ: Բնականաբար այդ աշակերտը պիտի օլիմպադայում հաղթանակ տանի:
Եվ վերջապես, ովքեր են խանգարողները?, ուսուցիչներ... Տվյալ պարագայում ուրիշ ոչ մեկին մեղադրել պետք չի.... Իրենց աշակերտին արհեստականորեն բարձր գնահատելով` պիտի պատասխան տան մարզի, հանրապետության առաջ... Այդ բարձր ստացողը հաջորդ փուլում կխայտառակվի, որը ուսուցչին պատիվ չի բերի... Դրանով ուսուցիչը իր որակը չի բարձրացնի....
Այսօրվա օլիմպիադայի ժամանակ մենք դիտորդներ ունեինք, բացառել էինք հեռախոսների օգնությունը, հսկողները ոչ մասնագետներ էին: Ստուգող հանձնաժողովի մոտ էլ նստած էին դարձյալ դիտորդներ...Եթե այսքանից հետո անարդարություն կլինի, էլ ինչ ասեմ...
Անկեզծ ողջունում եմ Ձեր նախաձեռնությունները այս հարցում......դիտորդներ, ոչ մասնագետներ......
Բայց մի բան հաստատ է, որ երեխան պետք է իր կաշվի վրա զգա, որ ինքը մարզային կամ հանրապետական փուլ հայտնվել է միմիայն արդար մրցակցության արդյունքում, իսկ մարզային կամ հանրապետական փուլ չանցածը նույնպես չի ընդունի իր « պարտությունը», քանի որ նա արդար մրցակցային պայքարում չի դուրս մնացել պայքարից: Երեխայի աշխարհընկալման մեջ դա չի տեղավորվի, ինչքան էլ մենք համոզենք նրան:
Ես համաձայն եմ Ձեզ հետ, որ տաղանդները պետք է հաղթեն այդ մրցույթում, բայց չմասնակցել մի փուլի, բայց մասնակցել հաջորդին.....ես դրան դեմ եմ: Դա արհամարանքի նման մի բան է, որը իր ցանկացած դրսևորումներով հանդերձ ընդունելի չէ......

Զառա
10.02.2011, 10:42
Անկեզծ ողջունում եմ Ձեր նախաձեռնությունները այս հարցում......դիտորդներ, ոչ մասնագետներ......
Բայց մի բան հաստատ է, որ երեխան պետք է իր կաշվի վրա զգա, որ ինքը մարզային կամ հանրապետական փուլ հայտնվել է միմիայն արդար մրցակցության արդյունքում, իսկ մարզային կամ հանրապետական փուլ չանցածը նույնպես չի ընդունի իր « պարտությունը», քանի որ նա արդար մրցակցային պայքարում չի դուրս մնացել պայքարից: Երեխայի աշխարհընկալման մեջ դա չի տեղավորվի, ինչքան էլ մենք համոզենք նրան:
Ես համաձայն եմ Ձեզ հետ, որ տաղանդները պետք է հաղթեն այդ մրցույթում, բայց չմասնակցել մի փուլի, բայց մասնակցել հաջորդին.....ես դրան դեմ եմ: Դա արհամարանքի նման մի բան է, որը իր ցանկացած դրսևորումներով հանդերձ ընդունելի չէ......
Իմ գրածներից չի երևում, որ աշակերտը արհամարել է` մի փուլին չի մասնակցել, գնացել է մասնակցել հաջորդին: Ես ընդամենը գրել եմ, եթե մասնակցել է, բայց անարդարության հետևանքով դուրս է մնացել հաջորդ փուլին մասնակցելուն, վստահ է իր գիտելիքների մեջ, կարող է դիմել հաջորդ փուլի նախագահին` մասնակցելու համար: Եթե Ձեր աշակերտը այս փուլում անարդարացիորեն դուրս մղվի, մարզային օլիմպադայի նախագահին դիմեք, կարծում եմ կընդառաջի Ձեր արդար խնդրանքը: Ընդհակառակը` Ձեր աշակերտը իրեն արհամարված չի զգա...Այսքանը::)

petros59
10.02.2011, 17:57
Փաստորեն, օլիմպիադաների տարածքային փուլին մասնակցում են յուրաքանչյուր դպրոցի տվյալ առարկայից լավագույն գիտելիքներ ունեցող աշակերտները:
Այն, որ մաթեմատիկայից համատարած 0 միավոր են հավաքում ,դա չարիքի փոքրագույնն է: Ոչինչ, որ որևէ խնդիր չեն կարողացել լուծել: Ցավը նա է, որ աշխատանքներում հանդիպում ես անթույլատրելի սխալների:

Իրինա
10.02.2011, 20:20
Իսկ ի?նչ ասեն այն հաղթողները, որոնք իրենց ուժերով անցան բոլոր փուլերը և ոչնչի չհասան` բացառությամբ պատվոգրերի:

Մեզ մոտ, բացի պատվոգրերից, աշակերտներին նաև դրամական պարգևներ են տալիս:

Ավրորա
13.02.2011, 18:54
Ես նույնպես մասնակցում եմ օլիմպիադաներին,արդեն իմ հիասթափությունն եմ ապրել Հայոց լեզվի և Ինֆորմատիկայի օլիմպիադաների ժամանակ:Հայոց լեզուն առանձնապես բարդ չեր ինձ համար,իմ կարծիքով և նաև ուսուցչիս մեկնաբանությամբ բավականին լավ էի գրել,բայց կրկին իրեն հիշեցնել տվեց անցյալ տարիների փորձը,երբ գնալ-չգնալը միևնույն է դառնում,որովհետև կրկին անարդարությունը գլուխ է բարձրացնում:Ինֆորմատիկայի օլիմպիադայի մասին չեմ էլ ուզում խոսել,ինձ մոտ այնպիսի տպավորություն էր,որ գնացել էի Հանրահաշվի օլիմպիադայի,միայն թե այն տարբերությամբ,որ խնդիրներում ոչ մի կարգին տվյալ չկար,որ գոնե հանրահաշվորոեն լուծեինք,չորս խնդիր էր,մեկը մեկից անհասկանալի,մեկը չեկավ,որ գոնե բացատրեր,թե մեզանից ինչ է պահանջվում գտնել կամ գրել:Որքանով որ զարմանալի է Ինֆորմատիկայի օլիմպիադայի թեստերում համակարգիչ բառն անգան շոշափված չկար,թե ինչու՞ ենք Ինֆորմատիկայի ժամին համակարգչի առաջ նստախ տարբեր ծրագրերով աշխատում,ինքս էլ արդեն չեմ հասկանում,դրա փոխարեն կարելի է նստել դասարանում ու Հանրահաշիվ անել,միևնույն է օլիմպիադայի ժամանակ հենց դա էլ պահանջում են:

Զառա
13.02.2011, 19:44
Իմ դպրոցական տարիներից օլիմպիադաները շատ եմ սիրել: Մասնակցել եմ գրեթե բոլոր առարկաների օլիմպիադաներին, և հաղթել եմ , և պարտվել ու չհիսաթափվել....Ինձ համար այս շրջանը տոն է եղել...Առանց նախանձի ու վիրավորանքի ընդունել եմ ինձանից ուժեղ մրցակցիս հաղթանակը...Երբեք մտքովս չի էլ անցել դրամական պարգևների մասին:
Հարգելի Ավրորա, հիասթափվել պետք չի: Որպեսզի անտարբերությունը գլուխ չբարձրացնի, պիտի ակտիվ լինել: Իհարկե, ես մենակ խորհրդի կարգով կարող եմ ասել հետևյալը. եթե դու և ուսուցիչդ համոզված եք, որ բավականին լավ ես գրել, պարզապես մի փոքր նեղություն պիտի կրեք երկուսով, գնացեք լեզվի հանձնաժողովից պահանջեք տետրդ, և համոզվեք , միաժամանակ էլ հանձնաժողովին ապացուցեք, որ դուք եք ճիշտը: Իսկ ինֆորմատիկայի օլիմպիադայի մասին կասեմ հետևյալը. ճիշտ է, առաջադրանքները բավականին բարդ են, սովորական ստուգողական աշխատանք չի: Օլիմպիադայի ժամանակ համակարգիչ պետք կլինի, եթե արդեն խնդիրների ծրագրեր կարողացել եք կազմել, ուզում եք փորձարկել: Մաթեմատիկայի ժամերին չեմ կարծում, որ խնդիրների ծրարգրեր կազմելով եք զբաղված: Իհարկե, շատ ճիշտ ես նկատել, ծրագրեր կազմել կարողանալու համար մաթեմատիկական գիտելիքներ ու տրամաբանություն է պետք....
Մեզ մոտ էլ աշակերտի ծնող էր եկել, դժգոհում էր հ. լեզվի օլիմպիադայից, ասելով իրենց երեխայի ուսուցիչը գրավորը ավելի բարձր է գնահատել, քան հանձնաժողովը: Մենք սիրով ուսուցչին հրավիրեցինք` հանձնաժողովի հետ նորից ստուգելու գրավորը, դեռ սպասում ենք....չի եկել....
Ասեմ նաև հետևյալը` ընկերուհիս ուրախությամբ տեղեկացրեց` իր աշակերտը շատ կարճ ժամանակամիջոցում բոլոր խնդիրների ծրագրերը կազմել է 2 լեզուներով, փորձարկել և դուրս եկել: Ես ողջունում եմ այս հրաշք աշակերտի հաղթանակը: Օլինպիադաների նպատակը հենց այս տաղանդների հայտնաբերումն է;

Սրբազան
14.02.2011, 12:21
Գյումրիում կրթական բարեփոխումների հորձանուտում աստղագիտություն ու ինֆորմատիկա գրեթե չեն ուսումնասիրում



Գյումրիում այսօր` փետրվարի 12-ին անցկացվեց տարածքային առարկայական օլիմպիադա` հայոց գրականություն, ինֆորմատիկա եվ աստղագիտություն առարկաներից : Գյումրիի եւ Ախուրյանի դպրոցներից առարկայական օլիմպիադային հայոց գրականություն առարկայից մասնակցում է 150 աշակերտ: Ավելի պակաս թվով աշակերտներ մասնակցում են մյուս առարկաներից, ընդամենը 16 աշակերտ ինֆորմատիկա, 6 աշակերտ աստղագիտություն առարկաներից: Տարիների փորձը ցույց է տալիս, որ հայոց գրականությունից էլ աշակերտները բարձր միավորներ չեն հավաքում: Անցած տարի էլ 150 աշակերտ է մասնակցել տարածքային փուլին, բայց քչերն են մարզային փուլ անցել, ավելի քչերը` հանրապետական փուլ:

«Ժամանակակից տեղեկատվական տեխնոլոգիաների դարում աշակերտները քիչ են կարդում , հեռու են ծրագրային նյութերից»,- NEWS.am-ի թղթակցի հետ զրույցում ասել է Գյումրու 3-րդ ավագ դպրոցի տնօրեն Գոհար Ալեքսանյանը: Առավել տխուր է վիճակը մյուս առարկաների մասով:

Փորձը ցույց է տալիս , որ ինֆորմատիկայի եվ աստղագիտության ուսուցումը դպրոցներում ցածր մակարդակի վրա է: Աստղագիտություն վերջին շրջանում ուսումնասիրում են ընտրովի սկզբունքով , իսկ ընտրում են քչերը : «Աստղագիտությունը այլընտրանքային առարկա է ու քիչ է ընտրվում»,- նշել է Գյումրու 20-րդ դպրոցի տնօրեն Գրիգոր Հարությունյանը:


Նյութն ըստ՝ News.am (http://news.am/arm/news/47729.html) կայքի։

Oinf-club
14.02.2011, 16:33
Ինֆորմատիկայի օլիմպիադայի մասին չեմ էլ ուզում խոսել,ինձ մոտ այնպիսի տպավորություն էր,որ գնացել էի Հանրահաշվի օլիմպիադայի,միայն թե այն տարբերությամբ,որ խնդիրներում ոչ մի կարգին տվյալ չկար,որ գոնե հանրահաշվորոեն լուծեինք,չորս խնդիր էր,մեկը մեկից անհասկանալի,մեկը չեկավ,որ գոնե բացատրեր,թե մեզանից ինչ է պահանջվում գտնել կամ գրել:Որքանով որ զարմանալի է Ինֆորմատիկայի օլիմպիադայի թեստերում համակարգիչ բառն անգան շոշափված չկար,թե ինչու՞ ենք Ինֆորմատիկայի ժամին համակարգչի առաջ նստախ տարբեր ծրագրերով աշխատում,ինքս էլ արդեն չեմ հասկանում,դրա փոխարեն կարելի է նստել դասարանում ու Հանրահաշիվ անել,միևնույն է օլիմպիադայի ժամանակ հենց դա էլ պահանջում են:

Հարգելի Ավրորա, ցավով պետք է արձանագրեմ որ օլիմպիական ինֆորմատիկայի խնդիրները
առաջադրվում են նշված ձևով:
Իսկ թե ինչու? այն ուսուցիչը, որ Ձեզ ուղարկել է օլիմպիադայի և գոնե մի անգամ ցույց չի տվել օլիմպիական ինֆորմատիկայի խնդիր....Չեմ կարող ասել ով է մեղավոր` խնդիրներ կազմողը, թե....

Հարգանքներով` ԳՊՄԻ "Օլիմպիական ինֆորմատիկայի" ակումբի նախագահ:

Oinf-club
14.02.2011, 16:50
... ընկերուհիս ուրախությամբ տեղեկացրեց` իր աշակերտը շատ կարճ ժամանակամիջոցում բոլոր խնդիրների ծրագրերը կազմել է 2 լեզուներով, փորձարկել և դուրս եկել: Ես ողջունում եմ այս հրաշք աշակերտի հաղթանակը: Օլինպիադաների նպատակը հենց այս տաղանդների հայտնաբերումն է;

Իհարկե, հարգելի Զառա այդպես էլ պետք է լիներ...առաջադրված խնդիրների բարդության աստիճանը 100 միավորանոց համակարգում կարելի է գնահատել մինչև 10 միավոր:

Սա կարծիք է մասնագետի, որ 1995թ-ից զբաղվում է օլիմպիական ինֆորմատիկայով:

Եվ ցավով պետք է արձանագրեմ, որ տարեց-տարի ավելի պարզ խնդիրներ ենք առաջադրում ինֆորմատիկայի օլիմպիադայի տարածքային փուլի ժամանակ: Բայց....

Զառա
14.02.2011, 17:59
Այս տարի ինֆորմատիկայի օլիմպիադային ընդգրկված էին VIII_XI դասարանի աշակերտները: VIII դասանցիները պարզապես իրենց տեղը չէին գտնում, չէին էլ հասկացել ինչի համար են եկել: Ուսուցիչներն էլ էին զարմացել, որ VIII դասարանցուց ծրագրավորում է պահանջվում, և բոլոր դասարնների համար առաջադրանքները նույնն էին: Ընդհանրապես ալգորիթմ թեման սկսում են անցնել –IX դասարանից: Չնայած, ուսուցիչն արդեն պիտի այս ամենը պատկերացներ, արժե VIII դասարնցուն ներկայացնել... Երևի շատը ուսուցչի անտեղյակությունից էր....:(
Կարելի էր տարբեր դասարանների համար տարբեր բարդության խնդիրներ ընտրել: Իմ կարծիքով օլիմպիադան կարելի էր կազմակերպել IX_XI դասարանցիների համար` իսկ բացառիկ փոքրիկ տաղանդներին հնարավորություն տալ բարձրերի հետ միասին մրցակցելու:
Իսկ բարդության տեսակետից` անցած տարվա համեմատ խնդիրներն ավելի պարզ էին: Բայց էլի ընդանուր մակարդակը շատ ցածր էր: Միայն մի լավ բան նկատվեց` հետաքրքրվողների քանակը խիստ մեծացել էր` մասնակիցները շատ էին: Առավել տխուր էր աստղագիտության վիճակը: Այս դեպքում էլ ինձ ոգևորում է մեր հանրապետության աստղագիտության օլիմպիադայի մակարդակը` միջազգային օլիմպիադաներում վերջին տարիներին Հայաստանը միշտ զբաղեցրել է առաջին տեղը: Հուսանք, որ «ասղագիտություն» առարկան շատ շուտով իր պատվավոր տեղը կզբաղեցնի ուս.պլանով նախատեսված առարկաների շարքում::)

Ավրորա
14.02.2011, 19:14
Ներեցեք, չհասկացա, ի՞նչ է նշանակում .«Ցավով պետք է արձանագրեմ որ օլիմպիական ինֆորմատիկայի խնդիրները
առաջադրվում են նշված ձևով»:Այսինք դուք կո՞ղմ եք նման հարցաշարերի առաջադրմանը Ինֆորմատիկայի օլիմպիադաներին,թ՞ե …
Ես չեմ ասում,որ խնդիրները բարդ էին, պարզապես անհասկանալի էին և չեմ կարծում,որ Ինֆորմատիկայի օլիմպիադայի համար ճիշտ էր նման խնդիրներ կազմել,ավելի նպատակահարմար կլիներ համակարգչային ծրագրերից հարցեր առաջադրվեին,որոնք ուսումնասիրվում են դպրոցական դասընթացով:Խնդիրներ լուծելով համակարգչին չենք տիրապետի:Ուսուցիչս առաջին անգամ էր Ինֆորմատիկայի օլիմպիադայի աշակերտներ ուղարկում և ինքն էլ ծանոթ չէր թեստերի բովանդակությանը,և հետո չեմ կարծում,որ ամեն տարի նմանատիպ հարցեր են լինում,օրինակ Հայոց լեզվի օլիմպիադայի հարցաշարերը տարբերվում էին նախորդ տարիների օրինակներից,իսկ դե Ինֆորմատիկայի օլիմպիադայի առաջին անգամ էի գնում,որ գոնե պատկերացնեի,թե ինչ է ինձ սպասվում:

Ավրորա
14.02.2011, 19:31
Ես չեմ էլ հիասթափվում,եթե հիասթափվեի այսօր քիմիայի օլիմպիադայի չէի գնա,վաղն էլ կենսաբանության օլիմպիադայի եմ գնալու:Ուղակի կարծում եմ այս ֆորումը հնարավորություն է ընձեռում ազատորեն կարծիք հայտնելու և հարկ եղած դեպքում բողոքի ձայն բարձրացնելու:Ես դժգոհ եմ առաջադրված խնդիրներից,եթե ես լինեի/իհարկե ես չէի կարող լինել/ թեստերի կազմողը ապա այնպիսի հարցեր կառաջադրեի,որոնք աշակերտը դպրոցական դասընթացի ժամանակ ուսումնասիում է և նրան ավելի անհրաժեշտ է առարկան ըստ պատշաճի յուրացնելու և հասարակության մեջ բազմակողմանի զարգացած մարդ կայանալու համար:

Ավրորա
14.02.2011, 19:45
Հա ,մոռացա ասել ինձ մոտ այնպիսի տպավորություն էր,որ խնդիրները արդեն լուծված դրել էին մեր առաջ,ասում էին նայեք,զմայլվեք:Հենց դա էր մեզ ապակողնորոշում,մեկը չկար մեզ հետ նույն սենյակում նստած աշակերտներից,որ հասկանար,թե որն է խնդրի տվյալը,որը պահանջը,որը օրինակը և ինչպես պետք է լուծեինք:

Զառա
14.02.2011, 20:01
Հա ,մոռացա ասել ինձ մոտ այնպիսի տպավորություն էր,որ խնդիրները արդեն լուծված դրել էին մեր առաջ,ասում էին նայեք,զմայլվեք:Հենց դա էր մեզ ապակողնորոշում,մեկը չկար մեզ հետ նույն սենյակում նստած աշակերտներից,որ հասկանար,թե որն է խնդրի տվյալը,որը պահանջը,որը օրինակը և ինչպես պետք է լուծեինք:

Ավրորա ջան, իմ դպրոցական տարիներից սկսած, ես չեմ հիշում ինֆորմատիկայի օլիմպիադա, որտեղ համակարգչային ծրագրերից հարցեր առաջադրվեին, առավել ևս`ինչ որ կիրառական ծրագրերից առաջադրանքներ: Օլիմպիադայում միշտ էլ եղել են խնդիրներ, և աշակերտից պահանջվել է խնդիրների ծրագրերի կազմում: Եթե նույնիսկ պահանջն էլ էր անհասկանալի, նույնիսկ չէր էլ երևում, որը պիտի լուծեիք` կներես, ուրեմն ամբողջ սենյակում աշակերտների սխալ ընտրություն էր կատարվել....
Կարծում եմ չես նեղանա, մենք այստեղ պարզապես մեր անկեղծ կարծիքներն ենք արտահայտում:
Իսկ ուրիշ մրցույթներ միշտ էլ լինում են, ասենք լավագույն վեբ էջերի պատրաստողի,PPT-ով լավագույն շնորհանդեսներ , լուսանկարների մրցույթներ: Այստեղ իհարկե` կարող եք ցուցադրել ձեր համակարգչային գիտելիքները..... Այս տիպի մրցույթներում, պատվոգրերից բացի` դրամական պարգևներ կամ նվերներ էլ են տալիս:

Ավրորա
14.02.2011, 20:18
Ներեցեք չհասկացա,եթե գաղտնիք չէ ապա կարող եմ իմանալ,դե դուք ինչ առարկա եք դասավանդում և որքանով եք տեղյակ ինֆորմատիկայի օլիմպիադայի թեստերին:

Զառա
14.02.2011, 20:30
Իհարկե, գաղտնիք չէ, Ավրորա ջան: Տվյալներումս էլ գրված է: Ինֆորմատիկա եմ դասավանդում:Ինֆորմատիկայի օլիմպիադաներին էլ մասնակցում եմ դեռևս դպրոցական տարիներից: Ասեմ նաև ունեցել եմ օլիմպիական բազմաթիվ հաղթող աշակերտներ: Մեր տարածաշրջանի ինֆորմատիկայի օլիմպիադայի նախագահն եմ:

Oinf-club
14.02.2011, 21:07
Հարգելի Ավրորա,
«Ցավով պետք է արձանագրեմ որ օլիմպիական ինֆորմատիկայի խնդիրները առաջադրվում են նշված ձևով»-ի նկատի ունեի, որ դա ժամանակի պահանջն է: Եվ հանրապետական, և միջազգային օլիմպիադաներին առաջադրվում են նմանատիպ խնդիրներ:
Դա լավ է, որ Դուք փորձում եք Ձեր իրավունքները պաշտպանել: Բայց դժգոհել կամ խորհուրդ տալ մի մասնագետի, որը քո տարիքին հավասար օլիմպիական ինֆորմատիկայի խնդիրներ է կազմում և ստուգում ճիշտ չէ:

Oinf-club
14.02.2011, 22:20
Հարգելի Զառա, ինչ վերաբերվում Ձեր առաջարկության օլիմպիադան անցկացնել դասարաններով, առայժմ հնարավոր չէ: Քանի որ հանրապետական և միջազգային օլիմպիադաների ժամանակ նման տարբերությու չի դրվում: Օրինակ անցած տարվա միջազգային օլիմպիադայում Հայաստանը ներկայացնող չորս մասնակիցներից մեկը նոր էր փոխադրվել 8-րդ դասարան:
Ես հասկանում եմ, որ դասերի ընթացքում հնարավոր չէ օլիմպիական պատրաստել: Բայց հիմա այնքան առցանց մրցույթներ են կազմակերպվում, որ ցանկացած ձգտում ունեցող կարող է հասնել իր նպատակին:

Ավրորա
14.02.2011, 23:05
Հիմա հասկացա ձեր խոսքերի իմաստը,բայց դուք երևի ինձ սխալ եք հասկացել,ես երբեք չեմ փորձի խորհուրդ տալ ինձանից տարիքով ավելի մեծ և ավելի գիտակից մարդու,անգամ չեմ էլ մտածել այդ մասին:Ես պարզապես փորձել եմ իմ կարծիքն արտահայտել,իսկ դրա իրավունքը կարծում եմ բոլորն ունեն:Ես նորից եմ ասում,որ խնդիրների բարդությունից չեմ խոսում,պարզապես ինձ համար անելիքս էր անհասկանալի:Օրինակ մի խնդիր կար,որ մոտավորապես այս տեսքն ուներ/ներեցեք,որ բառացի չեմ հիշում/.Արթուրը նոր է սովորել համակարգչով աշխատել և նրա սիրած զբաղմունքը հատուկ անուններ գրելն է և նա սիրում է բառերից ստանալ իր հայրենի GYUMRI քաղաքի անունը:Խնդրի պահանջով իրավունք չկար տառերի տեղերը փոխել,միայն հնարավորություն կար ջնջել տառերն ու ստանալ GYUMRI բառը:Առաջին բառը չեմ հիշում,բայց դրանից հաստատ հնարավոր էր ստանալ GYUMRI բառը,իսկ երկրորդ բառը GUYMRI էր,որից հնարավոր չէ անհրաժեշտ բառը ստանալ:Խնդիրը պահանջում էր պարզել,թե նշված երկու բառերից,որից կարելի է GYUMRI բառը ստանալ,բայց խնդրի պահանջում արդեն գրված էր,թե որ բառից կարելի է ստանալ,որից՝ոչ,այդ դեպքում մենք ի՞նչ պետք է անեինք:Ամեն ինչ շատ պարզ է թվում,բայց իրականում ոչինչ չհասկացանք:

Ավրորա
14.02.2011, 23:17
Շատ շնորհակալություն տեղությունների համար,ես շնորհավորում եմ ձեր ընկերուհու երեխային և շատ ուրախ եմ,որ նման հրաշամանուկներ կան մեր ազգում,բայց չեք կարծում,որ օլիմպիադաները ոչ միայն բացառիկ տաղանդի տեր երեխաների համար են,այլ նաև այն երեխաների որոնք լավ են տիրապետում տվյալ առարկային և ցանկանում են ինքնաստուգմամբ զբաղվել:Թող թեստեր կազմողները սա խորհուրդ չընդունեն,բայց չեք կարծում,որ ավելի լավ կլիներ թեստերը մի քանի մակարդակ ունենային օր. Ա,Բ,Գ:Սկզբնական մակարդակները հասանելի կլինեին խելացի աշակերտներին,իսկ ավելի բարդ առաջադրանքները կկատարեին ձեր և նաև իմ ցանկությունը՝կբացահայտեին տաղանդներ:

MSGM
14.02.2011, 23:17
Խնդրում նշվածները օրինակներ են եղել: Անհրաժեշտ է եղել կազմել ալգորիթմ, որի միջոցով հնարավոր կլինի պարզել խնդրի պատասխանը ցանկացած մուտքային տվյալների համար:

Ավրորա
14.02.2011, 23:25
Շնորհակալություն բացատրության համար,հիմա հասկացա,պարզապես խնդրում չկար պահանջ,ըստ որի պետք է ալգորիթմ կազմեինք,հիմա ամեն ինչ պարզ է:

Anushka
16.02.2011, 12:48
Ուրեմն Վանաձորում ինֆորմատիկա առարկայի օլիմպիադային թույլ են տվել մասնակցելու միայն 10 և 11-րդ դասարանի աշակերտներ: 9-րդ դասարանցիներից միայն թույլ են տվել մասնկացելու այն երեխաներին, ովքեր մեզ մոտ մի ակումբում վճարովի պարապում են ծրագրավորում: Ճիշտ է, 9-րդ դասարանցիների արդյունքները չեն հրապարակել` մեկնաբանելով, որ ուղղակի երեխաներին թույլ են տվել մասնակցելու իրենց գիտելիքները ստուգելու համար: Այն հարցին, թե ինչու 9-րդ դասարանցիները իրավունք չունեն մասնակցելու, հանձնաժողովի նախագահը պատասխանեց, որ 9-րդ դասարանցիները ծրագրավորում չեն անցնում: Իսկ վարչության աշխատակիցը պատասխանեց, որ դա կառավարության որոշումն է: Սակայն ես այդպես էլ չկարողացա գտնել, թե որտեղ է գրված, որ ինֆորմատիկա առարկայի օլիմպիադային իրավունք ունեն մասնակցելու միայն 10-րդ և 11-րդ դասարանի աշակերտներ: Ընդ որում 9-րդ դասարանում արդեն իսկ անցնում ենք<<Ալգորիթմներ>> թեման, և դասագրքում ավելի շատ խնդիրներ կան, քան 10-րդ դասարանի դասագրքում, ինչպես նաև 10-րդ դասարանում ևս երեխաները չեն անցնում ծրագրավորում: Ինձ հետաքրքրում է , թե իսկապես միայն 10 և 11-րդ դասարանցինեը իրավունք ունեն մասնակցելու ինֆորմատիկա առարկայի օլիմպիադային, կամ եթե երեխաները ցանկություն ունեն և նախապատրաստվել են, ինչու թույլ չտալ նրանց էլ ուժերը փորձելու, դասարանն ինչ կապ ունի:

Oinf-club
16.02.2011, 17:36
...անցած տարվա միջազգային օլիմպիադայում Հայաստանը ներկայացնող չորս մասնակիցներից մեկը նոր էր փոխադրվել 8-րդ դասարան:

Իմ տղան սովորում է 9-րդ դասարանում և այս տարի երրորդ անգամ է մասնակցում օլիմպիադայի մարզային փուլին: Երկու անգամ մասնակցել է հանրապետական փուլին և հասցրել է նաև մեկ անգամ գովասանագրի արժանանալ:

Զառա
22.02.2011, 21:38
Մեր տարածաշրջանում ավարտվեց օլիմպիադաների տարածքային փուլը: Արդեն հայտնի են հաղթողների և մարզային փուլին մասնակիցների անունները: Ի տարբերություն նախորդ տարիների` տարածաշրջանի բոլոր դպրոցներին E: mail-ով ուղարկվել են արդյունքները:
Ընդհանուր վերլուծություններ անելուց կարելի է ասել հետևյալը.
Փորձել ենք անցկացնել արդար` զերծ մնալով ձևական բնույթից, վերականգնել օլիմիադաների երբեմնի փառքն ու արժանիքները: Ամեն առարկայի օլիմպիադայի արդյունքներն E: mail-ով անմիջապես ուղարկվել են տարածաշրջանի բոլոր դպրոցներին: Առանց երկար քաշքշուկների աշակերտները, ուսուցիչներն ու ծնողները հնարավորություն են ունեցել արագ իմանալ օլիմպիադաների արդյունքերը, անհրաժեշտության դեպքում` ժամանակին տեսնել իրեն գրավորները, ինչու չէ նաև ` բողոքարկել...
...Այս ամենը խիստ դրական ազդեց օլիմպիադայի վարքի վրա: Խիստ աճեց օլիմպիադային մասնացող ցանկացողների թիվը: Ծնողներն էլ էին մտահոգված` ասես ընդունելության քննության արդյունքների էին սպասում` ընդհանուր վերլուծություններ անում իրենց երեխաների ռեալ գիտելիքների մասին: Հետաքրքրությունը մեծացել էր նաև ուսուցիչների մոտ: Շատերն էին օլիմպիադաների տարածաշրջանային կազմակերպիչին մոտենում` իրենց ցանկությունն հայտնում ստուգող հանձնաժողովի մեջ ընդգրկվելու համար: Այս փուլում հայտնաբերվեցին նաև մի քանի տաղանդավոր աշակերտներ:
Հաջորդ փուլում բոլորին մաղթում ենք հաջողություն:)

Oinf-club
24.02.2011, 00:14
Գյումրու Մ.Նալբանդյանի անվան պետական մանկավարժական ինստիտուտի "Օլիմպիական ինֆորմատիկա" ակումբի կայքում` www.oinf-club.ucoz.org (http://oinf-club.ucoz.org), փետրվարի 24-ից կտեղադրեն ինֆորմատիկայի 2010-2011 ուս. տարվա հանրապետական օլիմպիադայի, Շիրակի մարզի տարածքային փուլի ժամանակ առաջադրված խնդիրների վերլուծությունները:
Խնդիրների վերլուծությունը և քննարկումը` 2010-2011 ուս.տարվա հանրապետական օլիմպիադա, Շիրակի մարզ, տարածքայի փուլ (http://oinf-club.ucoz.org/forum/10) ֆորումում:

martmarara
25.02.2011, 13:57
Այս տարի ես էլ մասնակցեցի օլիմպիադայի: Հետաքրքիր էր: Շատ ոգևորվեցի: Բայց մի բան կար,որ շատ կուզեի չլինեևշն .սենյակում գտնվող ուսուցիչներից մեկը մի աշակերտի կանչեց ու մի թուղթ դրեց ձեռքի մեջ, նա էլ նստեց տեղն ու սկսեց արտագրել: Հազիվ էի զսպում վիրավորանքս, ուզում էի կանգնել ու ասել. «Նրա արյունը կարմիր է մերից, թե՞ ավել հունար դուրս կգա գլխից», բայց չասացի: Մտածում եմ՝ արդյոք մեր ուսուցիչներն էլ նույնը կանեին, եթե մեր դպրոցում անցկացվեր օլիմպիադան: Ուզում եմ հավատալ, որ այդպես չէր լինի, դա կխախտեր իմ հավատը նրանց նկատմամբ:

LEVON
28.02.2011, 23:28
Ցավալի է, որ այդպիսի ուսուցիչներ դեռևս շատ ունենք: Ամեն դպրոցում էլ կան: Մեր դպրոցում էլ կան: Նրանք «հիվանդ» են.....ուրիշ կերպ անվանել չեմ կարողանում, կներեք......

petros59
01.03.2011, 04:21
Իմչ ասեմ, LEVON-ը հստակ գնահատեց երեւույթը: Հուսանք, որ նրանց աշակերտները չեն վարաքվի:

Anush Avetisyan
03.03.2011, 01:03
Կարծում,որ օլիմպիադաները տաղանդավոր ու բացառիկ երեխաներին բացահայտելու համար են: Դրա համար էլ որոշ ուսուցիչների կողմից իրենց աշակերտներին արհեստականորեն առաջ տանելն ու բարձրացնելն անիմաստ է:Ցավալի է,որ նման ձևականության ականատես են լինում երեխաներն ու հիասթափություն ապրում:Նման ձևով տարված հաղթությունը վաղ թե ուշ խայտառակ պարտություն կբերի:
Լավ օրինակ լինենք մեր երեխաների համար:

LEVON
03.03.2011, 23:01
Եվ առաջին հերթին հիասթափություն է ապրում այն աշակերտը, որին այդ ուսուցիչը օգնում է:
Ուղղակի այդ ուսուցիչը դա էլ չի հասկանում;

Զառա
04.03.2011, 19:41
Ինչու է ուսուցիչն անպայման ուզում օլիմպիադայում իր աշակերտի հաղթանակը տեսնել?: Շատ պարզ պատճառով` այդ "տաղանդավոր" աշակերտի ուսուցիչը շուտով հայտնի կդառնա տարածաշրջանում: Մեծ հեղինակություն և հարգանք կստեղծվի նրա շուրջը... Ես իհարկե, այս ամենը չեմ ողջունում, հակառակը`տխրում եմ անսահման: Իսկ ինչու? է ստիպված ուսուցիչը դիմում այս քայլին.... Մտածելու տեղիք է տալիս: Ուսուցիչին ամենուրենք հեղինակազրկում են` հեռուստասերիալները, լուրերը` ուսուցիչները աշակերտին ճանկռոտել ու ծեծել են, սեռական բնույթի հայոյանքներ արել, տնօրենները ատեստացիաները չեն կարողացել հանձնել.....Ուսուցչի աշխատավարձը էլի բարձրացրել են..... Իսկ իրականում բարձրացրե?լ են, հարցրեք ուսուցիչներին...Դե արի աշակերտ ու ծնող` հարգի ուսուցչին ու դպրոցին...
Ուսուցիչն իրոք կարիք ունի հարգանքի, սիրո, մեծարանքի, որը վաստակել է իր արդար աշխատանքով: Երևի կգան ժամանակներ, երբ Հայ ուսուցիչը կհպարտանա Հայ աշակերտ-տաղանդի հաղթանակով, անկախ ով կլինի այդ հրաշք երեխայի ուսուցիչը... Ես հավատում եմ այդ օրվան:

Nata
04.03.2011, 20:31
Ես արդեն երկրորդ անգամ է,ինչ մասնակցում եմ ինֆորմատիկայի մարզայինՉԵրևանՃ փուլին և կարող եմ ասել,որ ընդհանրապես կարգապահությունանը չեն հետևում,կորել է ազատ մրցակցության գաղափարը,բայց նույնը չեմ կարող ասել ֆիզիկայի համար`կա և կարգապահություն,և ոչ-ոք մյուսից չի արտագրում:Ինֆորմ.-ին նայում են մյուսի համակարգչին ու ... նույնիսկ կարող են քեզից բարձր ստանալ:Լավ կլիներ,որ դրան հետևեին.

Nata
06.03.2011, 19:06
Գալիս եմ կենսաբի քաղաքային օլիմպիադայից` հարցերը կազմված էին մեր իմացած գրքերից դուրս...

Սահակյան Սահականուշ
07.03.2011, 14:29
Իսկ քիմիայի մարզային փուլում հարցերը ընտրված էին օրգանական քիմիա բաժնից, իսկ մենք դեռ չենք անցնում օրգանական քիմիա:

S... B...
07.03.2011, 20:13
Անպայման պետք է նշեմ <<Հայ գրականության>> քաղաքային փուլի մասին. պարզապես հիանալի առաջադրանքներ էին, և ես ուղղակի չէի կարող դրա մասին չնշել...Հարցերին պատասխանելիս չեմ մտածել պայքարի մասին, այլ, իրոք, հաճույք եմ ստացել... Ինչ վերաբերում է <<պատմությանը>>, շատ կցանկանայի ասել, որ անցյալ տարվա նման հաջող առաջադրանքներ էին, բայց, ցավոք, նման բան ասել կնշանակի ստել: Հուսով եմ` հանրապետականում հանձնաժողովի նախագահ Հայկ Դեմոյանը կառաջադրի ավելի խելամիտ հարցեր խելամիտ ժամանակահատվածում: Տասնմեկերորդցի եմ, և խոսքը վերաբերում է հենց 11-րդ դասարանի առաջադրանքներին:

Իսկ եթե խոսելու լինեմ ընդհանրապես օլիմպիադա երևույթի մասին, անպայման պետք է շեշտեմ, որ օլիմպիադան հիանալի հնարավորություն է սովորել ցանկացող աշակերտի համար: Չեմ սխալվի, եթե ասեմ, որ օլիմպիադան տոն է ինձ համար... Միայն թե պետք չէ օլիմպիադան էլ վերածել կեղծիքի դաշտի: Ցավոք, օլիմպիադաների ժամանակ հանդիպել եմ այս երևույթին, և մեծ ջանք է անհրաժեշտ եղել այն հաշվի չառնելու՝ անտեսելու համար...

manush
14.03.2011, 23:16
Հարգելի գործընկերներ,

ԿԳՆ առաջարկով ֆորումում հանրային քննարկման է ներկայացվել ՀՀ դպրոցականների առարկայական օլիմպիադաների անցացման կարգի նախագիծը (http://forum.armedu.am/showthread.php/525):

Anushka
15.03.2011, 16:46
Շատ լավ է, որ ՀՀ դպրոցականների արառկայական օլիմպիադաների անցկացման կարգի նախագիծը տեղադրված է և բոլորս էլ կարող ենք ծանոթանալ: Խնդրում եմ ինձ օգնել ձեռք բերել ու ծանոթանալ այս ուստարվա օլիմպիադաների անցկացման կարգին, ոչ մի կերպ չեմ կարողանում գտնել: Հատկապես հետաքրքրում է այդ կարգի համաձայն ինֆորմատիկա առարկայի օլիմպիադային որ դասարանի երեխաներն իրավունք ունեն մասնակցելու:

manush
15.03.2011, 18:12
Անուշ ջան, ես քո հարցը տեսա նաև նախագծի քննարկման թեմայում։
Համոզված եմ, որ շուտով նաև պատասխան գրառումը կլինի, քանի որ նախագծի քննարկմանը հետևում են և այդ քննարկումը համակարգում են նախարարության պատասխանատուները։

Ավրորա
20.03.2011, 21:37
Մարտի 19-ին մասնակցեցի ԵՊՀ-ի կազմակերպած օլիմպիադային Գյումրիում:Շատ գոհ եմ օլիմպիադայից:Ընդգրկված էին բոլոր առարկաները:Երեխաների մասնակցությունը մեծ էր:Ես ընտրել էի «Ստեղծագործական մրցույթ»-ը:Շարադրության թեմաները շատ լավն էին,բոլորի շուրջ էլ կարելի էր ստեղծագործել:Ես վեց հնարավոր տարբերակներից ընտրեցի «Նամակ հայոց բանակի զինվորին» թեման և Պրոգրես համալսարանի շենքում գրեցի նամակ բանակային եղբորս:Շատ հոգեհարազատ թեմա էր և սրտաբուխ խոսքեր գրվեցին շարադրության մեջ:

marara
20.03.2011, 23:37
Մարտի 19-ին ես էլ մասնակցեցի Երևանի պետական համալսարանում կազմակերպված անգլերենի օլիմպիադային: Տպավորությունս շատ մեծ էր: Թեստը կազմված էր 80 հարցից, բոլորն էլ հետաքրքիր էին: Քանի որ բոլորս էլ մասնակցում էինք մեր ուժերը փորձելու համար, մրցակցություն չկար, աշխատում էինք ինքնուրույն գրել: Կուզեի մասնակցել նաև ուրիշ առարկաների օլիմպիադային, բայց դա ցավոք հնարավոր չէր, որովհետև բոլորն էլ նույն օրը նույն ժամին էին:

Mary
02.04.2011, 20:09
Բարև ձեզ, Զառա: Ի՞նչ կարծիքի եք ինֆորմատիկայի խնդիրների մասին, որոնք առաջադրվում են հանրապետական փուլում: Ես այս տարի մասնակցելու եմ հանրապետական փուլին, սակայն մարզային փուլի խնդիրներից փորձել է լուծել լավ ծրագրավորող, ում մոտ դա ստացվեց 1.5 ժամում 1 խնդիրը:

Զառա
02.04.2011, 21:42
Օլիմպիադան նպատակ ունի հայտնաբերելու տաղանդավոր երեխաների, որոնք հաճախ ավաղ շատ փոքրաթիվ են: Առաջադրանքների ոչ ստանդարտ լինելն էլ բնականաբար մտածելու նյութ է տալիս ուսուցչին: Եվ ինչու թաքցնել, չասել, որ նաև ոչ բոլոր ուսուցիչները կարող են հաղթահարել այդ դժվարությունը: Ի վերջո օլիմպիադայի մարզային հանրապետական փուլերը նույնիսկ ընդունելության քննություններ չեն: Վերջիններիս առաջադրանքներն ընտրվում են այնպես, որ հաղթահարելի լինեն հազարավորների համար: Եթե ձեզ մոտ ստացվում է միայն մեկ օլիմպիական խնդրի լուծումը, ուրախացեք նաև դրանով. նաև դա էլ նվաճում է:

petros59
03.04.2011, 10:34
Աշակերտներին օլիմպիադայի պատրաստող ուսուցիչը նման է մարզիչի: Ոչ մի շախմատի մարզիչ չի կարող հաղթել իր աշակերտին և դա շատ լավ է:

Mary
09.04.2011, 20:33
Հարգելի Զարուհի, ի՞նչ կարծիքի եք անցած տարվա հանրապետական օլիմպիադայի խնդիրների մասին:

Զառա
10.04.2011, 10:48
Հարգելի Mary, կոնկրետ անցած տարվա հանրապետական փուլի խնդիրներին ծանոթ չեմ: Բայց ընդհանրապես այդ փուլի խնդիրները բավականին բարդ են լինում, ոչ ստանդարդ ու հետաքրքիր լուծումներով: Այդ փուլին մասնակցելու համար բավականին լավ մաթեմատիկական գիտելիքներ ու տրամաբանություն է պահանջվում: Եթե մարզային փուլում հաղթել ես, արդեն բավականին տեղյակ կլինես ընդհանրապես օլիմպիական խնդիրների մասին: Իսկ որպես խորհուրդ կառաջարկեմ օգտվել
http://forum.armedu.am/showthread.php/436-Ինֆորմատիկայի-առցանց-համաժամանակյա-փորձնական-մրցույթ --բաժնից, կամ www.oinf-club.ucoz.org կայքից, որից օգտվելու համար պիտի գրանցվես:

Արեն Թումանյան
18.06.2011, 00:03
Օլիմպիադաների ստուգող հանձնաժողովի անդամները այնքան էլ ուշադիր չեն ստուգում աշխատանքները եւ չեն նկատում աշակերտների մտքի թռիչքները:

Mary
19.06.2011, 22:06
Արե'ն , դա կարելի է ասել նաև դասատուների, դասախոսների մասին:Քիմիայի օլիմպիադայի ժամանակ, մի գիտնական, դասախոս(անունը չեմ հիշում)ասեց , որ ինքը հայտնագործություն է արել, շնորհիվ իր աշակերտի <<մտքի թռիչքի>>: Հաճախ են ինձ մոտ հարցեր, հետևություններ առաջանում, մեկ էլ դասատուիս ասում եմ ,ասում է այդպիսի բան չկա: Ես էլ մի օր ասեցի, գուցե ես հայտնագործություն եմ անում , ին?չ գիտեք չկա: Օրինակ ` մենք դասարանում կիրառում ենք քիմիական ռեակցիաները հավասարեցնելու շատ ավելի հեշտ և մաթեմատիկական տարբերակ, քան առաջարկվում է օքսիդավերականգնման ռեակցիաների դեպքում:Այնպես որ, եթե հետաքրքիր մտքեր ունես արտահայտվի'ր և հետաքրքրվի'ր դրանցով, ես էլ եմ այդպես անում: :) :) :)

Anushka
29.11.2011, 13:53
Նորից այն ժամանկն է, երբ սկսվում են առարկայական օլիմպիադաների դպրոցական փուլը: Սակայն ինֆորմատիկայի օլիմպիադայի կազմակերպման և անցկացման հետ կապված կան մի շարք դժվարություններ:
Դրանցից մեկն այն է, որ մեր դպրոցը հիմնական է և մենք բարձր դասարաններում դասավանդում ենք ընդհանուր հոսքի դասագրքերով:
Բոլորիս հայտնի է, որ ինֆորմատիկայի օլիմպիդային` և' քաղաքային, և' մարզային , և' հանրապետական փուլերում, առաջադրանքները ծրագրավորման խնդիրներ են:
Հիմա անհավասար պայմաններ են ստեղծվում ավագ դպրոցի բնագիտամաթեմատիկական հոսքի և հիմնական դպրոցի բարձր դասարանցիների համար, քանի որ մեր դասագրքերում և ոչ մի տառ չկա ծրագրավորումից: Միայն 9-րդ դասարանում ալգորիթմներ թեման է, այն էլ խմդիրների լուծումը անցնում ենք բլոկ-սխեմաների տեսքով:
Իսկ եթե օլիմպիադայի դպրոցական փուլում ընդգրկվեն այնպիսի առաջադրաքներ, որոնք անցած թեմաների շրջանակներում են, ապա քաղաքային փուլում երեխաները ինչպես կկարողանան կատարել առաջադրանքները?:
Արդյունքում` երեխաները վաստակելով 0 միավորներ, կխոսվի, որ դպրոցնեում ինֆորմատիկայի դրվածքը լավ չէ...
Իսկ թե օլիմպիադային մասնակցում են շնորհալի երեխաները, իսկ եթե աշակերտը պատկերացում չունի ծրագրավորման մասին,այս դեպքում, ինչպես գրի խնդիրը?
Կամ էլ ինֆորմատիկայի ուսուցիչը ինչքան լրացուցիչ ժամանակ տրամադրի իր ազատ ժամանակի հաշվին, որ սովորեցնի երեխաներին ծրագրավորման հիմունքներ:
Լուրջ խնդիր է. կամ պետք է ուսուցչին լրացուցիչ ծրագրավորում դասավանդելու ժամեր տրամադրեն, կամ էլ ինֆորմատիկայի օլիմպիադայի բովանդակությունը պետք է փոխվի, կամ էլ անցկացման կարգը:

gayane0803
02.12.2011, 23:15
Anushka ջան ես ուրիշ բան կառաջարկեմ. թող հիմնական դպրոցների համար առանձին օլիմպիադա կազմակերպեն, միջնակարգի համար` առանձին, ավագ դպրոցների համար` առանձին: Եվ թող առաջադրանքները կազմեն ծրագրին համապատասխան, միայն թե գերակշռեն տրամաբանական խնդիրները: Եթե ոչ` օլիմպիադան կդառնա ձևական:

Anahitd
03.12.2011, 17:33
Ինչ վերաբերվում է օլիմպիադաներին, կասեմ հետևյալը` ինչպես կարող է երեխան շաբաթական մի ժամ ծրագրավորման լեզու սովորելով սիրել այն և կարողանալ օլիմպիադայի մասնակցել ու դժվարավուն խնդիրներ լուծել: Օլիմպիադայի մասնակցությունը արդյունք կտա միայն այն ժամանակ երբ երեխան շաբաթական 2-3 ժամ զբաղվի առարկայով:

Անդրեասյան
08.12.2011, 22:27
Այո, ինֆորմատիկայի քաղաքային (մարզային) և հանրապետական փուլի խնդիրները ծրագրավորման խնդիրներ են, ավելի ճիշտ, դրանք ալգորիթմական բնույթի ծրագրավորման խնդիրներ են, այսինքն չի պահանջվում գրել գրաֆիկական ինտերֆեյսով ծրագրեր։ Ինֆորմատիկայի օլիմպիադաները շարունակություն ունեն միջազգային ասպարեզում, իսկ այնտեղ՝ IOI-ում պահանջվում են հենց ալգորիթմական բնույթի խնդիրներ լուծել։ Բարեբախտաբար, ինֆորմատիկայի օլիմպիադաներն այս ուղղությամբ են առաջ գնացել. այստեղ առնվազն երկու դրական պահ կա. նախ, ալգորիթմները ինֆորմատիկայի ոգին են, ամենագիտական մասը, (այս խնդիրները լուծելու համար իրոք մտքի թռիչք է պետք, ոչ թե հիշողության փորփրում, կամ համակարգչային ծրագրի հնարավորությունների վիրտուոզ օգտագործում)։ Երկրորդը, այս կարգի խնդիրների լուծումների, այսինքն ծրագրերի ստուգումը հնարավոր է ավտոմատիզացնել, անել համակարգչի միջոցով, որը մրցույթը դարձնում է անաչառ, օբյեկտիվ, սպորտային։ Հանրապետական փուլում հենց այդպես էլ արվում է, միջազգային փուլում էլ է այդպես։
9-րդցիների համար, բնական է, դժվար կլինի մրցել 12-րդցիների հետ։ Բայց ունենք արդեն երկու-երեք դեպք, երբ 8-րդ դասարանի աշակարտը հաղթահարելով բոլոր փուլերը դառնում է միջազգային օլիմպիադայի մասնակից։ Մեր օլիմպիադաներում առաջին հերթին ենթադրվում է ավագ դպրոցի աշակերտների մասնակցություն, բայց, եթե հիմնական դպրոցի աշակերտը կարողանում է ծրագիր գրել և ալգորիթմական խնդիրներ լուծել, ապա նրան պիտի մրցույթին մասնակցելու հնարավորություն տրվի։
Դասարգքերում ծրագրավորման բաժինը շատ թույլ է և բավարար չէ օլիմպիադաներին պատրաստվելու համար։ Դրա համար պետք է ֆակուլտատիվ, խմբակ, պետք է դուրս գալ դասագրքի շրջանակներից։ Կարծում եմ, որ դա վերաբերում է ոչ միայն ինֆորմատիկային, այլև մաթեմատիկային և մյուս այլ բնագիտական առարկաներին։
Հիմա համացանցում բազմաթիվ կայքեր կան, որտեղ կարելի է գտնել միջազգային օլիմպիադաների, տարբեր երկրների հանրապետական և մարզային օլիմպիադաների խնդիրներ, տեսական նյութեր, էլեկտրոնային գրքեր։ Կան կայքեր, դրանք կոչվում են online judge, որոնք հնարավորություն են տալիս ուղարկել լուծումները և ստանալ ծրագրերի թեստավորման արդյունքները։ Ես իմ խմբակներում օգտվում եմ ռուսական http://informatics.mccme.ru կայքից, բելոռուսական http://dl.gsu.by կայքից և լեհական spoj.pl կայքից։

Մանոն
19.12.2011, 18:49
Դասարգքերում ծրագրավորման բաժինը շատ թույլ է և բավարար չէ օլիմպիադաներին պատրաստվելու համար։ Դրա համար պետք է ֆակուլտատիվ, խմբակ, պետք է դուրս գալ դասագրքի շրջանակներից։
Միանգամայն համաձայն եմ Ձեզ հետ: Սակայն ինչ կասեք այն տնօրեններին, ովքեր ո'չ միայն ժամ չեն հատկացնում ֆակուլտատիվի կամ խմբակի համար, այլ նաև ձմռան ցուրտ ամիսներին չջեռուցվելու պատճառով փակում են ինֆորմատիկայի դասասենյակը` թողնելով ուսուցչին գրատախտակի հույսին ու պահանջում են օլիմպիադա անցկացնել ինֆորմատիկա առարկայից: